今日下午補習。朝早喪早醒咗,睇咗陣碟,食咗個麵,又訓過,12點幾醒,打陣機,食埋飯,2點半出門口。3點到咗屯門遵理,首先攞返

因為收生不足而退款的支票,之後3:15pm攞notes,一睇,點解會係中四因式分解架?睇到個職員問另外一個人有冇攞錯notes,之後

我發現佢真係俾錯,去返櫃台換返,見到欣(happy),原來連潘詠兒都有黎補,連呀康都有黎,但係,望黎望都搵唔到乳牛o既?明明佢喺另

一間房到補econ架?放咗學,打俾佢,打咗好多幾次先有人聽,原來佢一支箭咁飛咗去置樂=.=,諗著bomb佢兩野添,最後去咗m記整杯

荔枝特飲就回家。

      返到屋企,諗著訓返陣,點知開心到訓唔著......

      媽媽今晚煮南乳雞翼,好耐冇食啦!!!正!!!

      今日係咁多,88。

      11點先醒,好炆水,執好野還單車,食埋飯坐船返出去,長洲之旅咁就完了......

      呢個camp,好好玩,令我搵到一班可以一齊玩o既fd,多咗一個可以傾訴心事o既好友。前幾日,我諗緊應否放下那份情,但同瑋斟

過,既然是博的,點解唔博落去,去搵那一線o既曙光呢?好似賭錢咁,而家眼看輸緊,用少少本錢繼續落去,或者終會有贏的一刻,總好過維

持現在的一刻,令自己後悔......改變自己,可能會係一個很大的工程,但為了她,多辛苦都要嘗試,不管有多難行,都要嘗試,寧願傷透心,

也不要後悔......

      今日係咁多,88。

      活動主要由下午開始,租單車踩,我同kam,腸夾份租咗架載人單車,做咗佢地兩個半日柴可夫司機,雖然佢地好輕,但係都好辛苦,沿

途都唔知補充咗幾多水份先夠。仲有,搵到好耐冇食o既冰菠蘿,yummy!之後kaki話就咁食d野,夜晚再出黎掃街,於是買咗d蘿蔔糕同

一串冰果食,夜晚出黎遇到南官排球隊,李偉瀧等人,車佢地其中一人出去,再掃,今日飲咗兩杯涼茶,提到涼茶,阿may之前一餐無拿拿

short咗,竹蔗毛巾水,仲有香茅竹蔗水,o哂,攞咗黎狂串佢,哈!!!掃隻串大腸,雞髀,3串串燒,好味!!!李偉瀧好好人咁踩單車送我返去,但

係坐到我驚驚。食完又玩,賭下咁,最後仲11佪人迫喺同一間房玩,超好feel,玩到3點幾到返過去,同瑋密密斟到5點幾6點就訓。

      今日係咁多,88。

      團員：我,瑋,民康,陳少,ii,may,腸,kaki,提子,kam kam,筋肉透明自摸大頭樹熊brabee(敏)

      當日9:15am到達中環碼頭,但係被人跣咗都唔知,其他人約咗10:30am喺屯門等,明玩我,但係我都有野唔記得帶,所以返咗

home,再沖個涼都出門口。再去到中環,去完個toilet諗著落返去地鐵站搵其他人,佢地又上咗去,搞到我又要上去=.=

      去到已經下午,上房放好哂d野,之後開始玩,但係都係玩啤牌,自己帶咗副,去到以為唔見咗,落咗樓下買,買完摸下褲袋,喺度=.=,咁

就用咗我$10=.=,話下鋤dee,show hand,hea到夜晚出去食飯,又去返上次嗰間,一人夾$40,8餸1湯,白飯任裝。返去喺女仔嗰邊

玩,之後去咗掃街,d竹蔗水幫我滋潤不少,之後又返去玩,玩到好夜3點幾,ii 7級豬輸咗,要除衫,阿may俾佢揀由may親自幫佢除褲都唔

肯,死都唔肯除褲。由於太夜,加上瑋條前菜過咗黎同佢訓,所以留咗喺女仔嗰邊打地鋪,may,腸,kam,提子四人一張床,我同ii訓地,隔

離房,民康,米高,kaki同筋肉透明自摸大頭樹熊brabee,訓之前佢地仲搞到好high,不時發出尖叫聲,真係激烈,民康真係有兩度喎......

      今日係咁多,88。

      今日主要的都係hea,做下pa,出咗去天水圍玩。返學嗰陣,好唔想返學；唔洗返學嗰陣,又好想返學,悶......

      快d到22號啦!要去長洲玩呀!!!

      今日係咁多,88。