星期一返去都冇乜野,係要聽d高層講野。

      星期二又係冇乜特別,但係好多班務要整,好煩囉!

      星期三,四冇咩好講。

      星期五,開學d班務整得差唔多,終於有得上PA啦!波波sor真係比hulle.好好多= =,不過,佢個學生Celia都教咗我地呢課了,哈!黎

sir居然冇返,冇得好似瑋咁講「磅高度重」,真係可惜。

      林sir話而家任我做數,交齊功課就ok了......

      今日係咁多,88。

       今日係最後一日o既暑假,12點先起身。食咗個蛋撻同免治豬肉飯,hea到2點幾又要入屯門補習。PA上埋最後一堂,終於明哂所

有CONTROL野啦!

      今年o既兒歌金曲頒獎典禮係第一年冇肥姐的,睇起黎遜色得多,少咗肥姐o既笑聲,真係差得太遠了......

      今日係咁多,88。

       今日係我(乾)家姐,我作為佢o既(乾)細路,當然有準備禮物架啦!似得d非法入境者咁冇記性架咩!不過都慣架啦!今日3點半出門

口去送禮物俾家姐,又話要返工,但係唔知幾點o既事,最後喺栢麗對出個公園等佢。5點40幾佢到咗,家姐真係醒目,知道我隆野。之後

佢就返KFC。

      hea到6點45左右,民康用米高部電話打黎問我喺邊,原來佢地又去咗米高至愛的老麥,會合完就慢慢咁行過去屯門泳池。今日有

我,民康,米高,kaki,ii,腸琳,腸詠。今日對奶俾民康,ii,米高搞到變咗「花奶」,被人大圍攻,唉......游完之後,除咗腸詠返屋企,其餘的人

去咗藍藍路(又係呢度=.=),食完之後去咗搭66回家。第一個同米高講88的人係我,但係同佢一齊去搭車的人又係我......

      hea嗰陣俾我喺間碟鋪到搵到我的機械人女友BMG代理版的OST,承惠$99,好好聽呀!!!

      暑假得返幾日,要好好享受啊!!!

      今日係咁多,88。

      有睇過星期二檔案,都知道有個叫黃梓澄的人去尋找另一個黃梓澄。而我,則真的很唔打唔撞的情況下搵到另一個自己。

      幾個星期前喺個網到見到個叫「王立康」的人,以為咁啱差個姓氏。前幾日,呢個「王立康」add我MSN,佢問我張X-card點

trade,但係放咗啦!到今日,佢發現咗我個MSN上個名,問落我就發現了,大家都係「黃立康」......呢個黃立康,比我細兩年,應該係男的

掛=.=。

      估唔到,我都會搵到一個同我同名的人,感覺好特別......

      今日係咁多,88。

       今日媽媽陪我睇早場,$35。故事開始真的會有點混淆,但係最後有好好交代返成件事o既來龍去脈。女機械人主要係保護男主

角同埋阻止一d應該發生o既人間悲劇,有一場有個癲佬喺佢地食緊野o既地方亂槍掃射,好彩有個女機械人,咁佢個頭落個蛋糕到=.=,

避咗粒子彈。之後佢地返到屋企,女機械人話佢知原來係未來o既佢送個機械人黎,而當時原本男主角喺個意外中應該中槍而殘廢,但

係得到女機械人幫助先冇事。最後個結局麻麻,但係都有交代返成件事,但都係出人意表的結局。成場最好睇係女機械人帶個男主角

返去過去o既鄉下,嗰一幕個懷舊feel凝造得好好,而男主角細個同佢婆婆嗰一幕亦都好溫馨。最好笑的應該係個癲佬亂槍掃寫o既同

時亦都想放火,用口噴d火酒落支火把到,之後個機械人制服咗個人之後狂灌入樽火酒,之後被佢掟咗出去嘔,跟著無拿拿有個煙頭跌落

黎,之後就人體爆炸了......

      綾瀨遙做o既機械人,一係目無表情,最多係微笑一下,而夜晚休息係會掙大隻眼黎瞓,嗰段戲有幾長就要掙幾耐,極高難度,但佢依

然得,而有幕企咗喺D店舖櫥窗入面,真係好似d modal公仔。另外,佢喺其中一幕跳機械舞,跳得好好。而男主角小出惠介,做得出嗰份

戇直o既性格,做得好好。

      d歌超好聽,但係上網搵極都搵唔到隻OST,努力搵!!!

      出碟一定要買返隻DVD!!!

      今日係咁多,88。