今日下午無拿拿超大雨,阿媽落街買lunch俾阿哥,對腳同條褲都濕哂。

      琴晚係度諗野,諗咗好耐好耐,成4點鐘先訓得着,今朝11點半先醒,起身等阿媽送完飯就食lunch,叉飯。之後阿哥起身,買飯,阿媽就落去幫佢買三文魚刺身同盒飯。媽媽好醒目,預埋我

嗰份魚生,佢知我唔買會嘈佢,哈哈!所以又有得食,唔肥都難= =。到晚飯,今日老豆早收工,5點半就返,佢話心血來潮想落樓下間小肥牛打邊爐。好正!有牛刺身食,係幾好食,但係食落有d唔

舒服,可能慣食熟牛掛。仲有鱆紅魚刺生,味道似三文魚,但係爽口得多!食咗$799(4個人),個價ok啦!有好多野食。星期日再黎食,因為我舊曆生日。(我屋企興慶祝舊曆生日)

      我屋企洗得最多真係喺食方面= =。

      今日係咁多,88。

      今日10點半先醒,但係仲係想訓,但係阿媽提我要去打牌,所以唔醒唔得。換衫落樓下食早餐就出發,11:15am上車,唔夠12點就到,超準時。今日係瑋約我打牌,仲有冼栢,去瑋個朋友到

打,一位大姐姐。打到3點,個冼栢就割和青,走人,嗰陣輸咗$9。之後加返個人再打,贏咗$50(都係1番起糊啱我),仲要係坐喺瑋下家。打到7點先坐車返歸。今日最精彩係尾圈,連臨咗3個

莊,尾糊仲食咗鋪自摸4番($24),爽!!!

      今日講咗唔少野出黎,喧洩咗我一d想法,可惜,你都不在...

      今日係咁多,88。

      今日係考中文口試大日子。10點鐘唔夠醒咗,食完早餐hea咗陣,1點左右訓多陣,3點半出門口。早咗成半個鐘到,入去等。5點半先入到備試室,今日係C組的6號同學,眼見朗讀冇咩特

別,係衰咗喺最尾一個字,趕字個音上咗去,落唔返去邁個緊字,lag咗成秒先講得出,但係快咗幾秒。小組討論,一見題目,有冇搞錯,加個條件又出新題目。「『為了更有效推動國民教學,應

把中國歷史列為必修科目。』你同意嗎?」我揀咗不同意,但係都好怕全世界都同我一樣,好彩有兩位同學自告奮勇話同意,好彩啫...安穩渡過。6點半左右走,坐車去荃灣同屋企人食晚

飯。食完就去荃豐中心買耳機,媽媽叫我順便買埋滑鼠,耳機$39,無線光學滑鼠$159(有埋一年保用)。之後返屋企,老豆要裝新的廁所板,裝完先俾我沖涼= =。阿媽叫我估下幾銀,我真係

估唔到一塊正版小熊維尼廁所板值3百幾,痴線!上嗰塊都只係$70左右,除咗隻熊值錢,仲多咗個油壓,唔洗下下放塊板落黎都啪啪聲。

      仲有個oral就完完全全咁完成會考啦!!!

      今日係咁多,88。

      今日成10點先起身,食早餐,其實我之前醒咗,係被阿媽整醒,專登叫我起身打牌,但係我無理到,再訓咗多陣,真係醒嗰陣,我以為頭先發夢= =。打咗陣牌,同阿媽送埋飯牌TOBY,就出咗去

荃灣,去到荃灣廣場,阿媽問我：「你肚唔肚餓?」我答：「唔餓。」阿媽就話去元氣食壽司= =。雖然話唔餓,但係唔夠20分鐘都掃咗5碟。阿媽問：「你乜唔係唔餓咩?」我答：「我真

係唔係好餓架!但係食食下就餓啦!」最後食咗$2XX.3。之後去咗吉島,阿媽買咗個床鋪,一個煲,一個衣夾架。我夾硬拉我媽媽去玩具部,其實想睇下副紙牌大富翁有冇折,之後叫媽媽買,話

係生日禮物,咁就入咗手,ok好玩,但係自己一條友好悶,有興趣可以約我出黎玩。之後終於到咗我想去的地方─冒記。玩咗兩次籃球,一次355,一次362,做咗登記,過咗現有的第5名,最高都

係得555分,唔通佢係幪面超人?最勁見過都7百幾,唔知荃灣幾時有?之後返屋企,hea下又食飯,薯仔炆雞,yummy!!!仲有粉葛湯,正!!!

      星期二嗰日冇打到blog,但係點都要講。下午同高越+米高swim,有個白痴的高越居然喺兒童池正中間腳趾公抽筋,喪笑,哈哈哈!

      呢排打跑跑卡丁車,ok好玩,但係d劇情真係有d難。仲有考執照又要錢,又鋪鋪差d先過到= =。

      今日係咁多,88。

      今朝的活動絕動冇咁嚴重,返學校練oral,有阿筠,阿敏,大C,阿蔡,仲有幾位旁觀者。好無癮地同阿蔡互嘈,最後被阿蔡令人無奈的一擊玩死我= =。朗讀部分,唔知點解會降咗key?可能

平時喺遵理練開掛?余銘熙真係唔多掂= =。練到學校小息就回家。換個衫,執一執野,又起行去旺角(with媽媽)。第1站係去三聲個客戶中心,因為部手機短短地,拎去整整,要3日後先有,而

家唯有用住toby部LG先。去咗信和行咗陣,買咗蘇打綠的小宇宙。之後媽媽返去揍細路,我就會合我舅母,繼續學勾公仔。先去買毛冷,真係平,$7@。之後去咗間必勝客到坐,我未試過一

個薯蓉可以食兩個幾鐘= =。唔夠6點就起身走,舅母都要去上堂,我就再去信和逛咗陣,買埋另外一隻蘇打綠的CD,差無與倫比的美麗應該齊(但係上網down咗lu)。7點半左右去咗油麻地

某個社區中心練雜耍,今日夠哂百廢俱興,做返哂無做好耐o既野。主要練單手3個波同拋樽。9點半就走,回到家都10點3。食埋飯再沖涼到而家。

      小肥又出新碟啦!最好聽都係寵物的畢業禮。完全中我而家o既心情......

      而家攰到行路都有d左搖右擺,但係又唔係太眼訓= =。

      我真係好細膽,連少少o既勇氣都攞唔到出黎...

      今日係咁多,88。