| «‹ July 2015 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
2009 年 5 月 31 日 星期日  |
| Mother's Choice活動 |
分類: 未分類 |
今日好早醒,8點鐘就醒,梳洗好就落樓下食早餐,食完就去旺角朗豪坊對面出席今次活動。聽講座,講青少年問題。因為講者係外展社工,分享唔少真實事件,原來「行走漿糊」真係件
好可怕o既事,好慶幸我有而家咁好o既生活。同埋今日學識好多相關術語,算上到一堂啦!之後去科學園去入面個美食廣場食自助餐,只能用兩個中文字形容(英文一個字)─垃圾
(rubbish)。所以喺意見表我tick自助午餐係非常不滿意。食完去咗文化博物館,喺兒童區同我媽媽玩佢d童年玩具(其實係我拉佢去),竹籤同拋豆袋,我完完全全慘敗= =。3:45pm就走,喺
沙田市中心坐巴士去葵芳睇睇部手機係咪ham咗,最後叫我打電話去三聲。之後連埋老豆去青衣城間水晶店買份入伙禮物俾我老豆一位上司兼朋友,朵水晶花真係好靚,個sales姐姐話
朵花的寓意係「恩惠」,意思唔錯呀。之後返屋企訓咗陣,8點幾起身食晚餐,食完等睇美女廚房,周秀娜頂咗GEM個位啦!哈哈!睇見梁漢文就覺得辛苦,嘔到咁。
明日行程：朝早返學校練口試,下午出mk搵舅母繼續上堂,練返我荒廢已久的技藝。
今日係咁多,88。
|
| 2009 年 5 月 30 日 星期六 |
| 第4次迪迪尼之旅 |
分類: 未分類 |
唔經唔覺,香港迪士尼就快4週年啦!我真係年年去一次,今年同樣都係有免費入場券,又咁啱高丸,阿龍佢地又有飛去,所以就約埋一齊了。
今朝7點鐘左右醒咗,8點1出咗門口,差唔多到地鐵站,明ho打黎話,佢地9點先有車,咁我回個家,去多個toilet再出發,跟住我再出發,9點唔夠明ho又打黎話,架車今日冇,要公眾假先有,所以要坐西鐵過黎,咁我無奈地回答：「咁我喺荔景等你地啦!」(當時我喺葵興地鐵站準備上車)。喺荔景站打咗有約5個字nds,佢地已經到咗南昌(嘩!真係幾快啵= =),之後佢地坐東涌綫我再上車搵佢地。連埋我有6個人,阿龍,高丸,明ho,叉,陳裕恆。原本仲有個莫維,但係臨時甩咗底,咁阿龍就食咗佢張飛,我就買咗佢張餐券,平過就咁買飯食。10點鐘左右入場,但係要10點半先可以入去大街以外o既地方。第一件事我地就去sm─space mountain飛越太空山。我喺度喪嗌,因為我真係打從心底裏驚,狂爆一入場搞d gag(後補)。之後我地玩鄧梓峰...搞錯咗,係巴斯光年先啱(無計啦,太似樣啦!)。得嗰幾萬分,阿龍居然有成幾十萬分,o哂。跟住我地再sm,今次無嗌咁多啦!之後好似去咗睇4D戲院,由於個鼻有d塞,聞唔到個蘋果批d味,但係唔知做咩今次d超多水潑出黎,全身好多地方都中招。跟住我地食咗野先,再睇金像獎,都仲係嗰個女人囉救命= =。之後去咗睇史迪仔,超搞笑,又一條友被偷拍,又攞黎玩,超好笑,哈!全場都話「拉咗佢!」。由於未去過小小世界,所以佢地都好好人咁陪我去悶,真係好悶囉= =,阿龍真係講得啱,為乜用咁多錢整個咁o既野。睇完就玩咗一次森林探險,發現排隊嗰陣d廣播中,廣東話版係王祖藍把聲黎架@@。阿龍走咗之後都只係不斷玩巴斯光年,最勁玩到廿幾萬分,但係高越去到L-5= =。之後等阿媽俾鎖匙我,一等人就上咗我屋企游咗陣乾水。
6點半全體徹退,我就同叉坐58M去屯市,我要返遵理上口試,同余銘熙講返我上星期訓過龍,佢就話：「啊!原來上個禮拜就係差你!」好差囉今次,但係余銘熙真係好求其,仲要好浮魂,
真係唔多靠得住,唉!拿拿聲診未考搵搵陸sir先得= =
今日一入迪士尼,爆咗個抄返黎的gag：史迪仔迪史,之後陳裕恆同叉喪笑,恆又爆多兩個：「一言驚醒李克勤,踎低起身鄧健泓」之玩第1次玩sm我就喪嗌d咁o既gag。
今日喺迪士尼買咗少少手信,加加埋埋用咗$100左右。
相又冇乜點影過,只係影過高丸喺sm做d低能樣,要的問我攞,唔想被人告我喺網絡上造成公眾不安= =
明日行程：參加咗母親的決揀的活動。
今日係咁多,88。 |
| 2009 年 5 月 28 日 星期四 |
| 端午節 |
分類: 未分類 |
今年端午節,比往年吃多了好多隻粽,往年都係一年一隻,今年食咗至少5隻,全部都係紅豆粽,唔係咸肉就係豆沙餡。
今日老豆休息,咩街都唔洗去,想話落樓機鋪打太鼓都唔得。喺屋企打NDS的立體方塊,打咗成個幾鐘,好攰@@。之後打online game,打咗陣就開始上網蘇打綠的《無與倫比的美
麗》,搵咗成2個鐘,第一次搵到要密碼,但係佢俾嗰個係唔啱架囉= =。第2次終於成功,yeah!之後去咗orz(nds game網),逆轉檢事終於出咗啦!暫時得日文版,打得好辛苦,因為我唔識日文=
=。家陣先打到第2話o既前篇。好彩上網有攻略,但係都係日文= =。
頭先落街幫我大哥買糖水,居然落到去見到有老鼠,oh no!!!見住佢跑咗落坑渠,當我又跑緊,變咗同佢一齊跑,oh no!!!
無與倫比的美麗
作曲：吳青峰
填詞：吳青峰
主唱：蘇打綠
天上風箏在天上飛
地上人兒在地上追
你若擔心你不能飛
你有我的蝴蝶
天上風箏在天上飛
地上人兒在地上追
你若擔心你不能飛
你有我的草原
耶∼耶∼
我知道你是世界世界上無與倫比的美麗
耶∼耶∼
當你說我是這個世界上無與倫比的美麗
天上風箏在天上飛
地上人兒在地上追
你若擔心你不能飛
你有我的草原
天上風箏在天上飛
地上人兒在地上追
你若擔心你不能飛
你有我的蝴蝶
天上風箏在天上飛
地上人兒在地上追
你若擔心你不能飛
你有我的草原
耶∼耶∼
你說我是這個世界上無與倫比的美麗
耶∼耶∼
我知道你才是這世界上無與倫比的美麗
耶∼耶∼
我知道當你需要的夏天我會拼了命努力
天上風箏在天上飛
地上人兒在地上追
你若擔心你不能飛
你有我的一切隱藏 今日係咁多,88。 |
| 2009 年 5 月 26 日 星期二 |
| 2009-05-26 |
分類: 未分類 |
今日都算早醒,好似唔夠10點就醒咗。跟媽媽上新區買餸,之後去咗冒記,玩咗陣,換咗個模型同一筒珍寶珠,我諗有排食lu,960張仲有個兜送,真係幾抵。
返屋企媽媽包粽,見無聊又包埋一份,原來包粽都唔係件難事呀!食返自己包嗰隻(扎得特別鬆,唔洗剪條草都開得到),無散到,叻仔,哈哈!!!
6點左右,冼栢話游水,見無野做又唔想喺屋企hea,所以我都過咗去游。今日有我,栢栢,叉叉,高丸,牛。我,栢栢,叉叉,高丸一路游,一路討論游乾水囉= =,游到9點上水,9點半離開,去61m
站啱啱好有車(出發又係啱啱好有車,超lucky),10:20pm左右落車。返到屋企10:40pm左右,仲有時間買埋牛雜米線添。
撞到正一正覆診= =,搞到聽日練唔到口試= =。(已經幾乎日日都得架啦= =,咁都撞到= =)
今日係咁多,88。 |
| 2009 年 5 月 25 日 星期一 |
| 大陸半天遊 |
分類: 未分類 |
今日9點幾起咗身,梳洗完就出門口上大陸。老豆喺大陸等我同媽媽,上到去喺間酒樓到食早+午餐。呢間野乜都有= =,西式,中式,日式,印式食品都有。有樣叫二奶包,其實係墨西哥包
+奶黃包的結合,味道唔錯。最勁都係味味新鮮,味味熱到辣口。28人仔一碟鵝片,5.8人仔碗燒鵝賴,正!!!仲有味煙肉薯茸餅,芝士味10分濃郁,配撘得好好。而香蕉薄餅的甜咊啱啱好,因為
佢單靠香蕉的甜味,唔會完全試唔到薄餅。食完再行咗陣就返屋企訓。
訓醒食完晚飯開機,打算入12點打後用,點知一俾阿媽睇咗陣youtube,佢就連續睇多個鐘,主控權喺2點先交返俾我,唉...
今日係咁多,88。 |
« | 8 | 9 | 10 | 11 | 12 | 13 | 14 | 15 | 16 | 17 | ... | 66 | »
|
