爆粗band友,雖然有d低能,但係松山研一(同佢做L嗰樣簡直係般若兩人)做得好好,做到完全2個的角色。「No music, No dream!」呢句意思唔錯,另外令我初步了解何謂「死亡重金

屬」,歌詞全都好粗俗下。套野好多笑位,L不斷變裝黎同女主角約會、當佢回復返原狀,又冇人認出佢係2世、L被個變態女社長SM、L更被指能於一分鐘內強姦10條女(字幕係咁打,佢原

本係可以一秒鐘講10次fuck),一出世隊冧咗父母(父母仍然健在)、另外喺最終決戰中,係咁唱FUCK。最正係佢細路都係崇拜DMC,個樣超YEAH= =。入面話死亡重金屬音樂同樣能夠帶

給人們夢想,我諗現實都好難啵!女主角係全套野入面最順眼的事物,其餘都係型。同埋套戲冇乜點提DMC另外兩名成員o既身世,只係講咗少少,如果可以提多d可以令人明白多d佢地o既

成立。總體黎講,都係好睇o既。

      睇完回家再去補習。補完同gary金去咗扭旦鋪,同peggy,基基同劉宝華一齊癲。扭咗隻小露寶同全職獵人白頭髮嗰隻(唔記得佢嗰名= =)。走嗰陣我話：「加埋隻小露寶上手機到我,

我部手機就更女人啦!」但係被人話獨/毒男先會咁囉= =。唔跟gary行一趟,我個資料庫都未更新到。

      講起部手機,第一個話我部機女人的人就係欣,難道紅色就=女人?男仔唔用得紅色野架咩?

      聽日停止練跑。

      今日係咁多,88。

     琴日喺冇睇過頭2集的情況下睇第3集,睇落覺得好正,想睇返頭2集。d歌同舞蹈都好好,亦都好反映到就快畢業時,中學生們的心情。令到我諗下,到底喺最後一日F.5返學嗰陣我要做咩

呢?我想......

      講返今日,今日係我老豆同kenny的生日,生日快樂!!!補習完之後,父母入咗黎屯門,去行街,行完去咗荃灣,行到夜晚去食飯。終於搵返間機鋪啦!金禾有亞洲版太鼓架!

      聽日就開始統測了,但係冇乜緊張的心情= =

      今日係咁多,88。

      今日短講好平淡咁結束,雖然唔算太好,但都不至於不屑一顧吧?

      今日係咁多,88。

      真係唔知去黎做咩囉!10點半去到,但係我地1點半就閃= =。好無聊咁周圍蕩,玩被雨淋= =。係回程係咁影相,先冇咁無聊。我d野食被人強搶,冇咗超過一半,好慘啊!

      有d相好正,但係都係聽日先post上黎,要的話問我,但係有排sd的= =

      像個蕩失路的小孩,不知去向,不知前路該怎樣走......

      今日係咁多,88。

      琴晚作嗰篇「一個印象深刻的侍應」,作咗1200字,寄望唔好再好似考試咁= =。那次是一個極痛苦的經驗,誤信故人的名言：「作600字喺合格線上浮沉浮沉,想高分最少要1000

字」,那次1300字居然係沉咗。自從上咗梁頌佳o既補習後,文筆好咗。同埋要多落句號,仲學咗唔少好詞好字。用咗個好正o既字,但係唔知有冇寫錯啵= =。最緊要唔好似隻ii咁,錯11個

字。

      頭先想搵返隻好字時,睇返以前的舊BLOG。原來我打過篇咁感人的BLOG,可惜不知是否有人因而感動罷了......

      今日戴住副舊眼鏡上堂,但係我始終唔係太忍受到嗰副眼鏡令我變到成個哈你波特咁,所以唔洗用的話就唔用。補完習返過去海翠拎返我副眼鏡,用返呢副好得多,遲d新年打算配副新

的,白色粗框,效果應該ok。

      買咗好多野聽日食,但係好似有點兒過多了= =,你們要輕輕幫我一把啊!

      帶定相機,要影相啊!

      今日係咁多,88。