今日同劉叉返學校執返上個星期唔記得執o既野。去office叫我地去hall搵校工,開咗門攞野,但係唔見我部ndsl同劉叉個筆袋,之

後落返去問校工,原來擺咗落去落樓下office(行上行落好攰囉!)。千辛萬苦,終算搵返部ndsl,happy!!!之後去咗睇高丸等人打網

球。之後行咗去海kfc飲7up,之後陪劉叉,肥西同佢家姐去新屯中,因為佢地要打golf,但係我去搭車走,喺商場嗰到見到manlo。返到

屋企成身濕哂,即刻沖涼。(出街帶嗰兩條手帕都濕到令人難以置信=.=)

      今日真係好熱,喺網球場一陣,成身已經濕哂,搞到要開遮。

      今日真係諗唔到點開口,錯失了一個跟她談話的機會了......

      今日係咁多,88。

      今日去咗老闆屋企繼續做個比賽,但係打機多過做,仲攰到訓喺地。搞到下午5點幾先鬆人。去嗰陣,仲要行錯路,遲咗45分鐘=.=

      頭先幫個細o既做功課,幫佢畫福娃。憑我對次貨寫輪眼,複製到70%相似,仲要只係用咗半個鐘唔夠,勁呢?

      econ收生不足,搞到冇得補=.=

      今日係咁多,88。

      今日見到了,miss張幅相,真令人擔心,但係多份報紙,睇見我地前任校長,講到自己被人屈咁,真係眼火爆!!!「問心無愧」!?呸!!!

作賊心虛就有佢份!!!多餘的唔多講,唔想惹禍......聽到父母的評論,太過「大眾化」了,難怪,他們都唔知好多野......

      弊了,自覺越走越深入,恐怕快會控制不了......或者最近的事影響我吧!實在令我有太多感觸,令我知道生命的脆弱,自己的壽命,可

能隨時終結......

      今日係咁多,88。

      7月9日係綜藝晚會,一朝開始已經喺度搬野,去到hall喺度綵排點set景同排下戲,同埋都係睇下欣綵排,練戲嗰陣俾佢見到(排我個

人最後嗰場),自尊心迅間急跌,令我做得更放,多謝你......很成功地令在場所有人記得,從此所有識得我o既人都唔會忘記,我扮過女

人......之後會合冼栢等人,去咗食宵夜,班女仔真係夠哂......似個墟=.=

      琴日傾暑假補課o既野,原本係去黃金,但係黃雨取消,之後上電腦室再開工,小息落去探班,順便睇下佢。原本想等埋班prefect,但

係有人叫我走,我只好無奈地回家,心情勁down,仲發脾氣,用sms爆粗......

      今日係中四生涯最後一日,但係唔知道,搞到冇清locker,散學禮之前聽聞miss張同校長有大鑊野,聽日仲會上報。好唔捨得袁sir,

廖sir,miss B.,講佢地個名嗰陣,我差d喊出黎,袁sir雖然教得麻麻,但係當年war game一事後,都有返份感情。廖sir都係教得麻麻,

但係本身人都好好。miss B.係我喺日本之旅時認識,好唔捨得佢,得知佢就快結婚,恭喜哂!!!我會永遠記住佢地架!!!放咗學喪玩。

      聽說她昨天哭了,但她不容許我得知原因,唯有尊重她,不尋找其原因......

      我的中四就這樣完結了。今年,是我過得最充實的一年。第一次為學校攞獎,得到男演員這獎項,更獲得學校的傑出會員獎,肯定了

自己在學校的存在。感情方面,是一個很大的轉變,擺脫了過去給自己加上的束縛,卻要面對全新的挑戰和痛苦。學業方面,明白要升讀

中六,必須要突破自己o既極限,用盡自己o既能力,才有一絲希望。

      最後希望miss張能夠回校繼續教導我們5C。

      今日係咁多,88。

      今日襯唔洗錢去咗打golf,有我,叉,陳聰,牙康,佳哥,李老闆,王學謙,rainnie。去到見到鄭sir(pe嗰個),問我到做咩咁得閒放咗學

去打golf,唔洗錢梗係冇所謂啦!由3點打到5點,d波由近至遠咁飛,最勁係學謙,打到對面岸咁遠,勁!!!之後去新屯門中心買野飲,就係喺

途中,見到好可怕o既野......當我地途經百佳嗰陣,見到傳說中o既軒軒,同佢條女,傳說中o既陳x雅(亦名陳素x),喺百佳排隊俾錢(貨品

唔知係咩),之後佢地跟住我地去7仔,仲懶神秘咁呢埋,晨早睇到你啦!白痴!之後短短一分鐘內消失得無影無蹤。依我推斷,佢地去7仔9

成係買dam dam準備「推車」 (但係9成係嗰1成)。

      今日聰聰教咗一個新o既縮寫,意思同推車一樣→「老推」

      今日係咁多,88。