一年一度o既水運又黎,今年冇得當值,就喺看台hea,有隻低能乳牛被傻鴨收咗副啤,哈!我部ndsl被隻肥野拎走,我即刻搶返,費事

又成為佢o既犧牲品。民康好叻仔呀!贏咗2銀1銅。劉叉都好叻仔!有個銅牌,但係真係太易攞啦掛=.=。欣也好野,攞返個銀牌,唔洗

包尾。恭喜哂咁多位!!!

      完咗換衫行街,有民康,ii,屎塔,中途遇到豬乸,張晴同龍婆姐姐。喺玩具反斗城逛,見到隻豬公仔,張晴話隻豬逢星期六,日就會郁架

啦!但係我將條膠拎向on,隻豬就郁,難道今日係星期六?跟著成班傻仔傻婆咁玩玩具,之後去咗大眾,睇到本書,超gag,超有興趣買,遲d

有返錢就買!再入咗去冒險樂園睇,之後張晴同龍婆姐姐走,得返豬乸要hea到4:15補習。之後去咗idc,豬乸話我地4個男仔冇一個人

望向賣bra檔野,心諗,睇壞眼架,入到去見到好多得意野,有d好靚o既生日熊,ii話要自己搵隻7月24日出黎呀!幫佢手都話唔得呀!但係

最後有冇搵到我就唔知啦!行行下豬乸都夠鐘閃,我地都去埋置樂就走啦!

      今日同ii玩咗個好好玩o既遊戲,下次有機會再玩啦! p.s.係冼栢叫我地走架!

      今日係咁多,88。

      一朝早都係有d攰,隊咗支葡萄適先上堂。條友陰魂不散,一朝早就上黎,救命呀!痴線架!頂佢唔拿順!之後geog交返份project。

econ開始講price control,應該會幾有趣。comm冇咩野。chin又中箭。maths好玩囉!d字我都唔識睇!放學坐車居然塞車,有架貨

櫃車差d跌落水,勁野!好技術!

      黃文謙,抵你被人打架!!!小心我都打埋你!!!

      今日係咁多,88。

      今日8點幾就醒咗,媽媽喺新區買咗一堆粉腸同架兩......唔好意思係腸粉同埋炸両。hea到11點左右,好眼訓,去咗訓覺,1點起身

食午飯,之後2點30到出門口去葵芳釘份proiect,$8有膠片封面,硬卡紙做底,好平!計埋d紙,total用咗$8+$(9*40/100)=$11.6

(未計墨水)。

      之後返屋企,同個細o既睇完隻星神系列劇場版再訓。好偏心囉!星神系列有3輯(超星神、幻星神、超星艦隊),人樣出現得最新2

輯嗰d人,第一輯得個光頭佬博士(或者要搵返12個人出場會好貴),故事講第1輯隻最後大佬復活,襲擊日本各地,而且最大鑊係隻野吸

取咗第2輯d人o既正義力量,隻隻怪獸都變成佢地個樣,最後佢地攞返d力量,由超星艦隊帶領幻星神同埋用水晶板召喚返黎o既12個

超星神(好想睇返個巨蟹星神個真人,第1輯故事入面,個男仔完全做到巨蟹座o既性格),最後一場打嗰隻特大怪物好正,同埋入面成日都

會有普通人幫手先贏,唔會搞到一般人類好無能咁。之後又訓到起身食飯,到而家打blog。

      今朝睇咗隻Juno少女孕記,笑就ok,但故仔真係好好,提醒青少年唔好亂黎,因為一個唔覺意有咗,受影響o既唔單只係自己同經手

人仲會影響埋身邊好多人,加上女主角雖然廿幾歲都做到16歲o既感覺,好野!但係講到d安胎,就完全係反面教材,大著肚仲食薯條嗰d

垃圾食物(即junk food),仲狂飲藍色沙冰,驚死bb唔死咁。想睇的話可以問我借。

      今日好似訓極都唔夠,都唔知做咩。

      今日係咁多,88。

      今日11:45am就要入黎屯門補習,先補2個鐘英文,放咗之後喺商場門口,就撞到欣,話買d糖再去圖書館睇書(圖書館乜唔係唔被

食野架咩?),之後我都去食飯,好貴囉!一碟飯+杯凍飲$49,下次唔去燉奶佬啦!食完去咗碟鋪搵「獨家試愛」,問個店員幫我搵,要入倉

搵(睇到個收銀口型話有最後一隻),總算搵到,但係要正價$39,但係無計,再唔買就冇!另外仲買咗隻「Juno少女孕記」,total $88。

之後即刻仆返去繼續補maths,再補多2個鐘,攞命!但係曾敬康仲慘,冇得休息上埋a.maths。上完堂,同翠+瑋去咗華都嗰邊,翠去嗰

邊買衫,瑋兜圈搭車,我都跟著佢去搭67M。去咗葵芳買Double A紙,係呢隻紙先掂。再會合老豆,拎d家鄉雞返屋企。

      講返琴日,超準時到新墟輕鐵站,啱啱好12:59pm,勁!上去,嘩!勁靚呀!俾個房我地練習,冇耐就表演,始終有d失手,唔緊要,因為其

他人都失過手!之後上返去個大樓到做攤位,個劉姑娘一定要我地有野做,叫我地搵人喺門口表演兩野,係咁拋波,再唔係教人,頭都痛。

去到4:45pm左右就散場。之後去咗卓爾居搵姐姐,但係佢冇返工。再極度無聊下去咗屯門泳池個門口,之後行過去新屯中(仲要行錯

路,兜咗成個圈),先搭59A返屋企。(p.s.唔好問我做咩咁白痴)

      今日係咁多,88。

      前嗰幾日都係返到屋企就訓,訓醒食晚飯,煲完劇又訓,所以都冇打blog。今日終於有時間打blog啦!

      電腦仲未有卷派。eng又係喺度聽隻碧麗珠喺度吠。pe跑5個圈,ok啦!考試有一球唔過網,但係有球真係超靚,打到去底線前一

個波位,yeah!lunch嗰陣過咗去我小學到(佛教黃筱煒紀念學校),因為就快佛誕,又有浴佛儀式,過咗去浴完佛,就拎著d野食返學校

食。comm,校長,林sir同波波sir黎睇堂,校長坐正我隔離呀陰公!勁唔舒服囉!討論嗰陣乘機離遠佢d,真係,我頂!!!geog講功課,好平

靜咁過。

      放咗學睇留堂,係完之前5秒,隻碧麗珠走咗入黎,仲寸我：「你睇乜野留堂呀!我罰你留堂啦!」,好想爆句收皮啦!但係miss po喺

度,最後都係文雅地反返句：「你行開啦你!」之後練雜耍,都未練成單手3個就叫我用埋出黎,唔好啦!之後tato請食飯,好飽,thx!!!返

到屋企都成7點半咁濟。

      發覺妒忌心開始萌芽,要抑制著,不能發洩出黎......

      聽日要努力表演!但係講起都好笑,通告話喺新墟仁愛堂,但真正地點喺新墟輕鐵站附近個東華三院,真係o哂咀=○=

      最後送個我前幾日諗o既爛gag同今日隻菇諗o既爛gag,

我的：「鼻塞塞,似狒狒!」(呢排鼻塞諗出黎寸自己o既gag)

菇的：「奶水係點黎架?係奶粉沖架!珍珠點黎架?係珍珠末沖架!下次人地問你有雞先定有蛋,記得答係有雞粉先!因為雞係用雞粉

沖架!之後先再有蛋架!」(聽完係要嗌救命架!)

      今日係咁多,88。