今日係我15歲的最後一天。過去一年,真的成長了,擺脫了過去的痛苦,但卻再次墮入痛苦的深淵。過去一年,我為我的愛情進修,

明白何謂愛情,「愛情是自然的心動」,很可惜,我未能學會如何暗地裡表達愛,導致現在的情況,我很內疚......我懷疑我擔心的事也發

生了......過去一年,我搵到了校園樂趣,第一次在中學時期得到了個人的獎項,好開心......過去一年,學到好多商業知識,使我沒有後悔

選擇這條路,這條較平坦的路......過去一年,還是減肥失敗=.=

      快要16歲了,要成熟啊!為自己而爭取,爭取自己想要爭取的東西!!!

      今日係咁多,88。

      成日想溫書,但係成日都係溫咗陣pa,咁搞星期一d comm實pk,仲有d geog同econ都未溫過(好彩econ冇乜野背),電腦就盡力

啦!

      今年生日又要延遲慶祝,不過好過冇啦!唉......

      今年生日願望,唔會再好似以前咁幼稚,而家唯一所希望達到的只有一件事吧!

      下個星期日就係啦!好歹都記得send返句生日快樂俾我呀!!!

      聽日仲要補習,明明考完哂英文d手寫卷,仲要返,好攰呀!唔想返......

      陣間改下個blog先。

      今日係咁多,88。

      咩都唔講住,民康指明先打呢句

(R)° ﹏遊戲一場,   對吧﹏↘__*敏''']] 說 (22:10):
軒軒....我愛你呀

      講返我要講嗰d,琴日同今日係被中文同英文玩殘,要即時轉channel都幾惡頂。琴日d中文平安渡過。今日英文就害死唔少人囉,

份reading寫明pencils,但有為數唔少人都奶野,用咗pen,聽講會唔俾分,佳哥同kenny,唉......節哀順變啦!份reading好多都亂撞,

但都總算做哂!作文好有自信作,但係唔知點解身邊d人作得咁恐怖,作到去後面,但係同我唔係差得多。下午個listening先頂癮,勁多

聽唔到,唉,悲哀......,勁想鬧臭個老闆,真係你老闆呀!!!

      放咗學去咗屯市行。到而家成村人係度吹水。

      琴晚因為訓唔著,所以喺度諗野,諗下生日做咩好,我諗到,但係根本冇可能的......

      今日係咁多,88。

      由星期六講起,朝早起身黑雨,連續4個小時,以為唔洗去面試,點知打黎同我講延遲到4點半。由於我係天生o既路痴,所以由媽媽

帶路,上到去都好大壓力。開始面試,首先要做一段做過o既戲,我choose咗我我同alice喺秘密屋傾計嗰段。之後先好玩,即興,情景係

對面o既同學會以為你攞咗佢d野,我個對手話我攞咗佢支筆,發展到後期(個個都有唔同發展,由評判同其他同學發揮),會講佢喺我間房

搵到交歡照(當然係空氣),去到最後係搵返支筆,同埋會搵到我位女友(重申故事係虛構)同另一個人o既交歡照,我自己都忍唔住笑,中

途彈咗句：「有冇咁多呀?」好好玩,之後咁就完咗。

      今日朝早9點半到屯市,因為要出席匡智個頒獎禮,好高興可以得到呢個義工獎,攞完就走,要去補習班,補完2堂英文之後再補2堂

maths,之後就可以返歸。因為爸爸上咗大陸,所以同媽媽出咗旺角,想買d野,但係又老早收咗工,去咗幾個地方都冇,唉......之後返屋

企同媽媽食咗1斤蝦同一隻3斤重o既雞,正!都係媽媽手勢好!

      好多謝你肯收我禮物,只要你肯收,咁就得架啦!咁樣我先至唔洗做個樹木破壞者。

      今日係咁多,88。

      今日o既大雨程度真係誇張,連操場邊d坑渠入面d千年污積都沖埋出黎,成個操場都染上黑色,嘔!

      maths做咗幾題數又落堂。pa講解返咁多課。eng,miss muk剪短頭髮,十分清爽的look。geog廖sir提早更年期咁。袁sir一

入黎就對我放箭,幸好常常備「箭」,先迎到箭,上堂用劉永鏗篇文作教材。放學去幫袁sir登腳,順便學野,學到唔少,詳情唔講。

      放學去行咗陣屯市,由於飯要補習,所以同我行咗陣。之後就返屋企。

      今日係最後趕工,應該ok。

      今日係咁多,88。