一朝早就被老豆整醒,要我落街行返個圈,當做物理治療= =。之後阿媽落黎同我食早餐,老豆就返工。食完返上屋企就開電腦(同喺醫院無乜分別,又係用電腦),打下機,上下網,無無聊

聊咁hea食午飯,食完阿媽帶toby返補習,我就繼續hea。阿媽返黎就幫我執d notes,打算俾朋友,我在旁指導,哈哈!之後又hea(喺屋企真係唔知做乜好= =)。阿媽去接toby放補習嗰陣,風雲

開始變色,落大雨= =。但係睇聖火直播又一滴雨都冇= =,打機d人又話其他地方無落雨= =。toby今日跟佢親生老豆返屋企過夜,阿媽話少咗個嘈又話唔慣喎。今晚老豆又會過去阿媽嗰

邊逼架啦= =。咁今晚咪可以偷雞用電腦,hehe^^!!!

      整咗個新風格,大家like嗎?

      今日係咁多,88。

經歷了足足60天的醫院生活,

終於可以出院了!

喺醫院,

見到好多比我的病情更嚴重的病人,

見到一個高195cm的巨人,

見到一個11歲唔識食藥丸兼經常拉屎的細路,

見到一個6歲已經識食藥兼唔怕抽血的小朋友,

見到一個對朋友好好的人,

見到一對同需入院的兄弟,

見到一個不辭勞苦的阿伯,

聽到我聽過最真摰的愛情故事,

遇到一班好醫生、護士、哥哥姐姐,

遇到一個勁煩o既大叔,

食到第一次的Triple O,

用到一個速度勁慢的網絡,

仲有好多多,

為我人生經歷填上一種又一種的特別色彩。

如今,

這都結束,

卻是我康復及中六學業的開始,

還要開始一些我的心靈缺口的修補工程。

我要向著我想走的路前進......

      難得今日有得home leave(請假回家),居然on唔到msn,頂...又唔知點整喎= =

      琴晚喺醫院上網真係超順,開pps同時開埋msn都係咁順,而且仲傾得極度盡情。呢排追劇集追得好辛苦,每日下午做完物理治療就狂煲,一日大約睇3-4集,但係家陣出到50集(仲有得出),家陣先睇完34集,攞命!

      今日下午做完物理治療就回家,坐的士去香港港鐵站,然後轉地鐵回家,一個鐘左右就ok了。上屋企前先剪個髮。晚餐老豆就落樓下買d小菜外賣返黎,阿媽就煮煲飯。d叉燒,燒肉同燒鵝都好正,而個班塊都唔錯。啱啱老豆出門口去買糖水,正!!!

      明天要去迎新日,期待!!!

      今日係咁多,88。