還是延遲了,而且我真係無可能黎,由於天雨路滑的關係,醫生也建議留下。無計啦!身體要緊。

      頭先睇到篇blog,令我諗起以前小學同中學派位。

小學派位：

      還記得當年的第一志願係保良局周梁淑琴的,亦都參與過面試,但係最後都係回歸到我大哥的小學──佛教黃筱煒紀念學校。當時還少,冇乜特別失落。就係咁,認識了佛學,認識咗咁多

個同我同班多年的好同學,好朋友。老師們,也成了朋友。入院前,我去過一趟小學,眼見真的變咗好多,而且仲係最後一年了,參加不少畢業典禮,但係又搵到好多舊相,連我哥哥讀書嗰陣,我

去黃筱煒參加活動o既相,而且仲有d我仲好fit的相添,hehe!

中學派位：

      這次派位,我算係幸運的一群,一擊即中南官,輕輕鬆鬆地打電話俾阿媽報喜(雖則我學校的老師早喺前一晚話咗俾我阿媽知= =)。記得嗰次面試係同呀翠一齊,而另一個就好似係潘詠

兒。老師係盧美玲老師同成人話班房有味o既ms. 戴。好記得當時好驚,驚到暈暈地。喺等候室都已經係開始show quali.,我已經算多獎狀,見到有人仲要厚過我,真係怕怕地。最後都成

功地黎到南官,識到班咁好o既朋友,為我帶來3次的單戀,雖然真係好痛,但係我毫無後悔過黎南官,如果唔係點會識到hulle.呢個咁盡責o既班主任,俾個機會我企上舞台扮女人,仲要攞埋獎

呀!

      希望如我所願咁,返南官讀中六。

      還有一/兩天就是放榜日。緊張,不可能沒有；害怕,總會有點兒。每次聽到其他人話我：「你實得o既!」呢句話為我增加不少壓力。而且,我這個肥仔,唔靠知識,難以去保護我想保護

o既人。我真係好怕好怕上唔到中六。但係我一直以平常心去考,而且盡量將會考以外的事拋諸腦後,希望可以做到最好,考上中六。但係我好似仲未盡全力咁......但係結果已定,想再驚都

驚唔黎。但係我最大遺憾,就係無得同大家去迎接自己的未來,希望仲有機會啦!等我問下醫生啦!因為我真係好想自己親手接我張ce成績表,更希望係我唯一一張的ce成績表......

      今日係咁多,88。

      入院都已經超過咗成個月啦!而家都總算有得坐輪椅,但係個軚就真係夠哂得人驚,行嗰陣擠擠聲,又被我壓到...直到而家,唔計屋企人,有13個人黎探過我。包括：冼栢,叉,民

康,kaki,may,ii,高越,明ho,陳兆恆,陳裕恆,蟹,中國星,神奇。頭10個人送黎d野,支綠茶飲咗,嗰兩隻爛得太過份,阿媽丟咗,袋零食俾阿媽攞去派,食得幾塊餅= =。而後面3個人送梳蕉,撞到

爛,食得2隻,而蘋果我就食咗個,另一個俾阿媽拎返屋企。
 

      其實喺醫院都唔係話好悶,至少有個爛鬼wifi上網頂住,而且仲玩返跑online。膳食雖則麻麻,但係有時都會搭單搵d同房人士o既家長買野食。正因為咁,我先可以試到triple O的BC

Burger。張床仲厚過我嗰張上間床墊,絕冇問題。而家日日雖然只係上網同打機,但係至少唔洗好似得你地一隻二隻咁,日日諗去邊。
 

       今次手術令我miss咗好多野,小學的最後一次畢業典禮,gra. din.,放榜日,雖則係有d唔開心,但係身體要緊啦!至於嗰單野呢,嬲就係定,傷心又係定,但係該喊的都喊夠啦!嬲又唔可以嬲

得太耐,盞自己辛苦,唯有要學會順其自然囉!但係我無論如何都要再講一次,喊絕對唔係用作代表一個人是否軟弱的準則,喊只係種感情o既渲洩,我經常喊,只係因為我選擇呢種方法去釋放

我心中的傷心,流不出淚水只是你的身體機能與我大大不同,唔該,兼拜託,曾浩然,唔好將錯誤的想法隨意傳俾人,ok?我喊唔係代表我些甚麼甚麼,難道我不可以用我的方法去解決我內心

的鬱結嗎?總好過用d傷害自己或他人的方法吧!一位李氏女性朋友講過：「喊,唔緊要!最緊要喊完要識得企返起身!」
 

      米高,很抱歉,我很難再和隻牛做朋友。我那次都給他害得夠「金」,你都看得出我那天的情況,幸好世間還有一個智者相信我。這絕對不是因女而決裂的問題這麼簡單,是我不敢再相

信他......
 

      仲有,無論ce結果係點,同埋放榜嗰日,都要打個電話俾我!等我呢條友黎安慰下啦!!!hehe!!!
 

      呢排豬流感太勁,大家唔好黎探我住啦!等遲D出黎,大家再食餐飯好過啦!

      今日係咁多,88。

      由於30號朝早9點鐘就要去報到,所以要早少少打呢篇blog。

      我住院期間絕對用唔到電腦架啦!但係都仲可以用sms黎同我傾計架,但係d費用要自己留意啵,同埋唔好打電話,因為房入面係唔俾講電話的。最過份係電視機只係喺5:00pm-

9:30pm先開,好過份。不過都仲睇到衝鋒21。如果得閒就黎探我呀!我就喺大口環根德公爵夫人兒童骨科醫院呀!同埋8月5日應該返唔到黎同大家拎成績表,大家記得同我講你地o既去

向呀!咁我先至可以搵到你地架!

      以下呢段係俾瓔琳睇：

      似乎我還是站在原地。其實呢,我嗰日係咪好傻?如果係,我可能會係你一生見到最傻的人了。雖然我傻,但係我對你,絕對係真心架,絕冇戲言。雖然我唔知你係咪心意已決,唔知你會

唔會揀我,但係我依然會繼續維持我這份愛去到一個時候,但係係幾時,或許有部分要取決於你了...如果下年我升到中六,我會利用呢一年,黎證明我o既成熟,證明我長大了,證明我有能力保

護同照顧他人......如果唔得的話,我會繼續努力,為你的夢想而努力,令你的夢想可以逹成......兩個月後見吧......

      最後一晚都仲要狂噴鼻,好恐怖!

      大家,88。

      今日10點幾起身,叫醒媽媽同toby,因為佢地話,要去睇變形金剛。11點半左右我過埋去葵芳打jubeat,煲咗粒半鐘,升到C1下級要打20首A,而家14首。之後去咗冒記玩一陣就同媽媽會

合,食我o既早+午餐。之後又行多陣,好攰囉!但係我返屋企都係睇咗集康熙來了先訓,訓到7點幾起身等食飯。hea到而家了。

      琴日難得老豆喺黃金時間唔喺屋企食飯,可以睇下J2,但係睇咗一半惡作劇之吻無拿拿壞咗睇唔到,之後我check下,原本係個連接個插頭同機頂盒條線嗰條線ham咗,好彩屋企有條多

咗的線,局住接去大佬間房(大佬返夜)個插頭睇住先。老豆返黎將佢暫時整返好咗。

      前晚因為追開的魔女18號要12點先up到上網俾我睇,但係媽媽又要我訓,於是1點左右,拎部腦入我間房咗丁字床個角位(老豆上咗大陸,下格床冇人),睇埋先訓,媽媽仲要無發現到,哈哈!

      今晚又要偷偷睇lu...

      今日係咁多,88。