雖則冇打過blog,但係會考經常都開電腦,真係有dd離譜。

      漫長o既ce過去,接著就係一個月的hea......

      琴日考完最後的comm喺屯市hea,去冒記玩,真係癲架!!!掟彩虹,27紅4黃4綠(有2紅係我的)(分幾節玩),導致今日唱k有勁多包雞喺枱...用咗40幾個美金(美國冒險樂園金幣)玩動物推銀

機,尾2個金幣中咗獅子(90枚,最大數量),lucky!!!跟著換咗包野食同一罐橙汁。hea到好食埋晚餐就回家。

      今日就去了元朗綠色盒子唱k。被人cut咗兩次轉機囉!最後都係飲我奶的kaki同阿may好,被我唱返半首。被阿丁發現咗我有唱曹格的歌o既習慣,但係我都只係識唱數到五同愛愛兩

首= =。民康的第一次唱k,用帝女花同分飛燕令自己的第一次更加畢生難忘。唱到接近6點,又去冒記玩= =,今次好叻仔咁有4紅1黃,差(少)^N就有個綠架啦!!!好唔抵呀!!!(其實用飛換好似

實際d喎= =,但係有好多都係冇得換,就好似葵芳的索柏仔)。有機會一齊去荃灣嗰間玩,又靚又夠大,又夠多野玩。

      差d唔記得提今日抽血。今日抽的血係做血糖耐力測試,即係睇睇我有冇糖尿病啫。朝早要空肚唔食得野都夠辛苦啦,抽完仲要等多2個鐘再抽,又係唔食得野,仲要飲嗰兜糖水(好彩唔

算惡頂),好痛苦。最痛都係要喺手背抽血,超痛!好彩第2針喺手臂啫,但係兩個針口位都瘀咗= =。

      明天行程：去油麻地打deck,再去上口試,再swim。

      改咗背景(上網搵的)同日誌頂部的文字。

      今日係咁多,88。