琴日上午出發去長洲,等登船時,冼栢彈咗咩kfc,但係冇人明佢講咩。之後佢話international financial centre(IFC),原來佢嗰

日把口廢咗,仲有單甚麼珍珠黨。上咗岸之後,去咗渡假屋放低野,跟著去食野,食完野去咗北帝廟,之後就返去渡假屋開始賭。麻雀同

啤牌輪流上,好彩我冇乜輸贏,加上早訓,所以應該都冇點輸or贏。中間去咗食飯$298有六味,白飯任裝,仲有糖水送,幾抵食。之後去

百佳買野,全部入我數=.=。返去再賭,睇碟同玩truth or dare,大約1點幾2點就訓咗。

      今日9點左右醒咗,等其他人醒,民康醒咗同佢打下2人麻雀,之後大家執野走,去咗間張記食粉麵,之後就搭船走啦!

      今次長洲之旅好好玩,而且仲玩到好搞野添,哈哈哈!!!

      今日係咁多,88。

      琴日朝早去賣旗,同民康一齊,周圍行著黎賣,之後陪民康等女(見某人化完妝仲衰過冇化),等完之後都係分開,再同冼栢會合,之後

再去交旗袋,會合埋其他人,食完野再返學校練drama。總算成功做哂所有要求,但係試假髮就...

      至於今日,由於昨夜病咗,所以上午休息.下午去咗葵芳買ndsl,買咗最新o既藍+黑,同埋一d配件,總數$1853。之後食完飯返屋企

即刻入咗cm2同北京奧運2隻game,同埋升埋級張r4。

      祝大家情人節快樂!(但好老實講,我一d都唔快樂)

      今日係咁多,88。

      可能未變聲,搞到一大聲講野就高八度,想話壓把聲變低,又唔夠大聲,高八度,又俾人話發姣,低返呢,又話唔夠大聲,唉......

      平時唔會點發騮,完全做唔到發騮o既感覺,第1幕要我做嗰d更加難......

      投入係最難,一時要好陶醉,一時要好傷心,一時又要好騮,好難好難,難怪d好戲之人搵咁多$$

      今日係咁多,88。

       今日返學練drama,好多人好早咁返,但係冇咩人知係9:30am返=.=(包括我)。呢個John真係難做,每句都要有力咁講,而且一

路改唔少劇本,好難跟。放咗勁攰,差d唔訓到搭過龍。

      成日唔係練就鋤dee,副啤搞到勁污漕。投入去個角色真係咁難架!

      而家全部都係自己人聽我講對白,遲下有埋其他人,我驚我會唔掂。

      今日係咁多,88。

       今日下午去咗屯門拜年。咁多年我都未太分得清d親戚,只係記得d大o既,細嗰d真係唔知。之後去咗三聖拜年,企咗喺度, 陣就

走。

      朝頭早起身,老豆老母落咗街,返到黎拎著好幾樽水,話樓下爆水喉,但係我去開水龍頭,有水o既=.=。頭先落街fax,又爆=.=,返屋

企時,見到條友想跳過d水過馬路,佢助跑,之後急停咗,超好笑,之後唔知佢點樣行過咗d水。

      好似感冒,要訓啦!

      今日係咁多,88。