今日小羊食完午飯, 響休息室梳化小休"昏迷"既時候, 突然香鐵人事部打俾我, 叫我去多次抽血, 小羊問多次係乜野野唔夠標準, 佢話係因為小羊既血紅蛋白低過標準, 所以要進一步抽血化驗, 睇下有冇貧血既問題.

所以急急腳咁拿左no-pay leave, 即刻飛去九龍灣抽血...

大假已經放晒, 但係no-pay leave冇得拿半日, 要拿整日no pay. 所以今個上午我係一個服務市(刁)民既義工~

不過, 如果香鐵果度搞掂左既話, 果三四百蚊有乜所謂丫~即管豪俾呢個硬膠政府部門啦!

而家都好, 知道香鐵唔係話我膽固醇過高, 而係血既問題.

小羊響三年前做過驗身, 其實醫生都話我有呢個問題, 當時小羊冇捐血既習慣. 醫生覺得小羊既數據, 似係因為有隱性地中海貧血基因所致.  不過唔會影響正常生活既.

 另外, 香鐵人事部話, 驗身係睇下我身體能否應付到日常職務, 如果冇乜大病既話, 佢地多數都會聘用~

 下星期二三就知請唔請, 小羊唯有繼續禱禱, 交俾主主安排啦~