今晚趴貪工完後, 返到屋企, 收到郵局既信... 哎... 一如所料.. 之前in既公務員郵務員位又落空... 反而小羊既另一個朋友就響今年初入職, 做左公務員郵差... 哎... 真係發覺自己有高不成, 低不就既感覺... 唔通小羊一世都只係響政府做彈散, 唔可以坐正?

小羊十三年前(1995)既執著, 今日換來雖有生命中快樂既時光(1998年夏天, 小羊同大學同學響日本東京讀短course, 之後homestay,同理遊歷九洲既別府, 本洲既大阪, 京都, 京都, 廣島)  但係亦有一個響社會階層上朝不保夕, 如聖經所述既 "將殘的燈火" 一樣, 這樣不穏定的生活.

十三年前小小羊仍讀中七, 當時決心要入大學, 之後暑假等大學聯招放榜響一間醫院做文員, 後來中文科肥左, 入唔到大學, 當時上司表示小羊的職位有permanent(永久)位, 但係因為一時執念而拒絕左, 走去自修重讀...

如果小小羊當時選擇出外謀生, 可能現時的工作和收入都安穏, 唔駛好似現在咁憂心.

剎那既快感, 都冇一碗暖飯既實在.  小羊變得現實了.

就算現時既呼貪工, 拿到幾多封部門既嘉許信, 都係徒然, 因為整封信既行文, 係話小羊既服務 "樹立了公務員的模範", 哈哈! 真諷刺! 到左小羊八月底部門touch wood唔再同小羊續約時, 部門仲會顧念呢D野咩?