小羊既爪牙今日下午遇上刁民, 作為高級嘍囉既小羊, 梗係要出擊迎戰啦...

事綠個刁民填表格申請服務(註:小羊呢個組別只會做電詁申請, 表格申請就係另一個組別既同事做, 但係客人一有頭暈生興, 我地電話組就要挨斬, 另一組另既同事基本上係INTERNAL既組別, 唔駛見客), 但係唔知佢D英文勁過頭, 定係佢D中文有問題.

 佢響 --

"街道名稱"既格仔就填 "FLAT E"
"層數"既格仔填左"42", 但係
"室" 既格仔就寫左 "F"...

然後佢打電話黎剷我地, 話我地搞錯地址.  當我話番俾佢聽, 因為表格填錯資料, 所以我地唔知佢究竟打算登記邊一個地址.  刁民就用唔咸唔淡既廣東話話 "你地唔識睇英文架? 我係寫FLAT E, 42 F就梗係指42字樓啦!"

嘩!大佬, 咁都俾你拆解得到, 真係夠晒面皮厚, 你填得表格申請服務, 唔係要跟足表格既指示填上正確資料?  如果客人填既野有互相矛盾既地方, 如果聯絡唔到客戶既話, 按常理就當然係跟表格既格式入機架啦.  因此我話明唔可以俾佢免費申請服務, 要俾附加費.  但係佢話唔理咁多, 一味要投訴, 唔聽我解釋.

所以我都費撚事同佢講咁多, 我直頭同佢講, 要投訴就搵申訴專員公署, 再唔係就搵我部門既公關組啦!

當然, 個刁民就打左去公關組, 後來個結果係幾令小羊失望既.... 就係免費幫佢重新接駁服務.

呢件事令小羊諗起三樣野...

1) 就算一個組別做事做到幾滴水不漏, 只要其他組別跟進不足, 就會出事.  以小羊所見, 另一組既同事好大機會冇打電話俾呢個刁民去CONFIRM地址, 所以出左今次既事件.

2) 呢個刁民既強詞奪理, 真令小羊對現在新移民質素汗顏... 嘩... 明明寫到明要填D乜野資料, 你就要響度玩自由發揮, 咁整張form俾你有乜用? 唔跟規則辦事, 只會令社會不穏.

3)政府太過縱容呢D唔守規則既人, 就連小羊唔係公務員都睇唔過眼, 但係無奈地, 做出免費重新接駁決定既, 就係呢一D政府器重既公務員.

哎... 無言