本來小羊已經沉溺於工作中, 為成家立室既目標奔馳, 都已經不問世事... 但係今次呢個 "政府" 搞出黎既副局長一職, 同埋相關報導, 小羊氣結, 不發表不可, 我有以下各點 -

1) 其中一個 "副局長", 由原先任職既私人工約3萬一個月, 升至現在15至16萬一個月, 試問一個響市場上逗3萬一個月既人, 點解政府會用16萬去請?  即使同一工種, 一個非公務員合約既職位既開價, 同私人市場所開既, 差額最多係五成, 果班 "副局長", 30都未夠, 出黎做得果三年幾, 究竟佢地何得何能收多過三倍既人工? 唔通佢地係神人? 識鍊金術?

2)"政府" 響選拔副局長既過程不透明, 即使而家公佈部份 "神人" 既人工, 已經太遲 - 就連政府請一個公務員或非公務員合約職位, 都會出廣告... "政府"已先斬後奏既方式發佈, 俾小羊既直覺係:點解果班 "神人" 唔駛經過政府遊戲規則洗禮, 就可以直升神台? 小羊覺得 "政府" 咁樣做法係完全違反政府既招聘程序, 比起聘請廣播處長一事更顯笨拙. 究竟中央人民政府, 知唔知道曾生已經拿著雞毛當令箭, 騎劫著特區政府 "非法執政"?  

3)回應番第1點, 其中一個保安局既 "神人" (其實唔只 "衪", oh sorry... 應該用 "牠們"至o岩, 只有主主先配得用呢個字) 竟然愚蠢到, 以為唔駛放棄外國國藉就可以做到, 呢D咁冇政治常識既人, 如果冇傳媒揭發既話, 香港既保安工作, 就會落入雙重效忠既"牠"手上. 試問呢D上位前連呢D簡單既政治常識都冇既"牠", 值16萬一個月嗎? 一張冥通銀行貨幣都不值!

如果呢個 "政府", 繼續違反規則, 有法不依既話, 小羊就唔可以繼續做沉默既小羊, 七一會出黎參加抗議示威