今日睇到某討論區, 係提及香鐵既... 佢成日彈香鐵既不是, 並且話去做非公務員合約工, 就唔會俾人抄.
小羊好憎呢D人既工作態度. 所以有以下既貼文.
願主主紀念保守小羊此刻既熱心, 因為人(羊)係軟弱善忘, 但主主剛強, 誠實正直, 衪所定立既永不動搖.
但願主主保守qooza仍能繼續經營, 以致將來小羊響香鐵做到冇力既時候, 我會睇番我當時既立志, 重拾動力!
...引文開始...
港鐵響5月31日搞招聘日請站務主任, 不過我冇去,
只係寄左form. 6月12日叫去九龍灣做written test, 19日interview, 25號打八號風球果曰既夜晚6點半打俾我, 話有offer俾我.
7月8日就會去驗身同簽聘書, 8月11日report duty.
我見到呢個thread有位前輩力數港鐵既不是, 而且話想唔俾人炒既話,
就最好做非公務員合約員工. 我可以話俾佢聽, 我而家做緊果份就係非公務員合約既工作. 邊個話非公務員既會擔保年年續約, 唔會俾人抄? 就算你做得幾好,
政府都唔當你係自己人, 亦都唔會俾你扎做公務員. 就連最謙卑既要求 - 門診醫療保障都無. 如果講浪費青春既話,
響政府做非公務員合約就真真正正既浪費時間同心力.
如果佢係前九鐵轉過來既話, 我會了解佢既怨氣. 因為我四年前都係申請過佢既見習列車司機,
我係做埋筆試兼驗埋身, 驗身時個職員加多句佢地唔係一定會請, 只係要去埋驗身, 以爭取時間揀人. 當然最後佢冇請我. 九鐵呢D咁既人力資源部真係浪費公司金錢,
同埋佢既公司管治都係唔完善. 而家港鐵果度(九龍灣)係講明簽約後驗身, 如果驗身冇事就8月11日返工, 乾淨俐落.
天下烏鴉一樣黑,
如果港鐵係一隻識飛識叫既烏鴉, 政府就係一隻唔識飛、唔識叫既烏鴉. 同埋, 呢個世界冇一份長工, 港鐵一樣, 做得衰既就會即兜冇面俾.
但係相比一份非公務員合約員工既侍遇, 港鐵既已經非常優厚. 所以我一定會努力去做, 襯尚有餘下不多既青春、體力, 改寫命運, 為我未來既家人扎好根基 --
呢樣野係非公務員合約工作絶對俾唔到既.
...引文完畢...
|
