今日同左媽去行百佳...我去既主因係散心...因為留留長係屋企的確會悶死。
出面又落雨,悶悶熱熱....
我都好想知呢d日子仲要過幾多日...
雙失青年,冇執筆冇番學種失落感踴上心頭,有d想講"讀左咁多年書,依家成個廢柴!"
但人唔可以咁嫁嘛
無論點,希望在轉角呢句係最岩!!
我唔會欣賞媽成日同d師奶與相比較,個種向下流既魚想法我成日都叫佢改
人同魚一樣永遠都係向好一方面同向上遊
今日既我唔等於明天或永遠既我,呢個係無我既定義其中一個解釋
放假以來我不斷諗,究竟可以做咩,做咩...亦都計劃過第日點用錢,將來一個人生活要點
依家我什至對基金認識都唔深...所以,有好多野要諗要學
唔怕坦白講,我當然明白自己搵工難,
工作經驗冇,又怕人地唔輕易接受我
更加怕第日自己一個生活我真係真係怕自己支持唔到
一向唔信鬼神但又怕孤單寂寞,黑漆漆既生活
究竟要點支撐自己好好生活每一日...
我唔贊成媽講,咩第日帶我番鄉下相體
依家咩年代?!!
冇感情既婚姻係唔會長久,如果我真係要相體,我寧願自己一個
哈,有咩所謂
對一個喜歡佢而我都講唔出口冇人知我已經對愛情失去好大信心
一直以來冇諗著去搵佢,幾好嘛,見唔到,可以夢到已經好幸福
雖然係自欺欺人,活係呢個現實社會我可以話做唔到咩
人地唔再誤會我,討厭我,已經好開心,一切隨緣吧
仲有五個月我就廿十歲lu
哈,我打打下又離題啦
最後一年一字頭,一踏入廿十歲人好似老多了,
既然都忍受左咁耐既人生,思想唔可再諗個d啦...
仲有好多麻,工作,事業!! 坦白說,早已經冇諗自己問題
對於冰件事,我係好好好著緊...但冰你始終係未真正明白
究竟我仲可以點幫你...
冰,我係真心的為你,幫你,冇咩原因
如果要講,就係緣,係我個人上,係朋友的我永遠都會真心
或者你地覺得我係放愛情係第一既人...
但明白我既人...都知我都好貪心咁放左朋友係第一
也許我既多愁善感,容易擦覺自己究竟係唔係喜歡人
要我講實話,到依家為止,喜歡的有三個人
記得小時候,真的很小,我有一個青梅竹馬既朋友
也許年齡太小,只知道大家玩得好,過得好
也許親暱得教我不會分佢係我哥定什麼
曾經諗番個時,的確令人難忘
要係講人生,我只會追求簡單的愛
所以,男人有冇喜歡我已經變得不緊要
令我感覺慶幸既,係我人生中,信係第二位對我最好最真既男人
已經夠啦...應該冇人相信我曾經有過一位對我咁好既男性朋友嘛
所以,我知,依家既我,最後一年一字頭既我,最緊要努力搵工
冰,要你做番真正既你就係我依家第一項工作
冰,其實...我同黎仲對於你已經到左好無奈既程度
什至可以話,想摑你一掌...然而,一諗到呢度,我唔想用信既心態對你
一個唔明你諗咩,一個只係覺得自己講既野岩曬,一個原則得唔識轉彎既人,我唔要做佢!!!
所以,依家唯有同你傾訴,打你只怕你會愈來愈甦醒不來,更痛恨我同黎仲
冰,一個好重要既話你要記著...
依家既你係重讀生,讀書係你最重要...但你一直以來就係住係你認為岩既世界死都唔番出黎
我那句喜歡人係冇原因唔係你所諗咁,你完全誤會左
黎仲叫你好好思考,我諗已經冇咩時間啦....因為到六月啦,最後一次考試係你定死活既時候
我只可迫於無奈同你解釋...請你唔好再問,你講喜歡人係冇原因咁你點解會喜歡信
首先,人與人之間存在緣,無論係相逢不相識既,家人,朋友知己,愛侶
你即管可成日見一個人而佢或你又唔相識,卻成日見面...
有時,我會諗,人生出現的路人其實真的好多,但一見鐘情同咩牽上關係呢
依家好多人覺得一方樣子,為人有吸引,從而產生虛真既愛慕
之前我都提及,呢種唔係愛,係人既貪慎癡
貪係個個人既條件你喜歡,你究竟係喜歡佢既樣子,條件定佢個人,個心始終你自己最清楚
慎癡係你由貪做成既幻像,而且持續覺得自己所有既感覺冇錯,自己既話岩,完全聽唔到其他人講咩
冰,你依家就係以上既世界裡走唔出黎
連黎仲同我都認為,你話咩明呀,知呀,我會改既啦,
咁你明咩,始終矛盾係你所產生
要明既我諗你唔會講...其實,我幾討厭你一邊講明, 一邊反問你所明的
矛盾既事我倆解釋了,你又打番個結,然後輕輕high下個結話解開左,然後就不斷重複
咁你想我地點幫你?!
你依家只會不斷逃避該有既事,好像自說自話般過生活
係...我知你可以覺得咁無所謂...但一直落下,你覺得你似d咩?我坦白講句?
你真係覺得番下午就係等於番學啦咩?!!
你睇...你話自己貪令成日照鏡咁你有冇真正睇下你依家變得點
你既改變唔係你既樣,係你既心...愈變愈恐怖
一個自欺欺人既人係好恐怖
我真係同黎仲都唔好意思老實講句,而曾**係一個男人,試問你依家即使唔係講曾,邊個會喜歡
我唔係話你既樣....你明嗎
喜歡人係冇原因呢句真正既意思,我真係唔識用文字答你
你應該都聽過,問世間情為何物吧,但我唔認為一個人係有下句,直教人生死相許
活著既然只有一次...應該係是堅強同精彩...由始人就係一個個體,而愛一個人係心唔係身
當然,世界會有好多好多唔公平既事,
天可以唔俾令人心動既外貌你,唔代表你要不屑地將個心同樣等待
若果你係著重外貌當然可以,任何人都係愛美既事物
那你當然可以與人比較
問題係你思想上,有d錯了
依家你成日去問,不斷計較美與醜既問題,而你個人不斷頹廢
難道你唔發覺自己愈來愈執著嗎
要是想人家喜歡你,你唔係應該做好自己嗎?!
當你發現人家已跑你仍在終點那時已經太遲啦
知道嗎
明白嗎
喜歡人是冇原因的那句話真正意思嗎
然而,依家既你真係要醒啦...訓夠啦,頹廢夠啦...
父母生你出黎,見到依家既你雖然不聞不問,唔係唔著緊你...而係想你自己真正既明白
呢個世界就係咁....你要自己甦醒過來才重要
其實,佢地既心一定好痛好傷....希望你唔好再因人既一句話影響你自己
笑話,閒話聽左好啦...唔好記係心
對與錯你自己最清楚
好感,喜歡,愛...
總有一天,你會體會分清...
我只可說,現在的你,最重要是上學去!
講番今日...
係百佳遇見何麗...
傾左佢既心事...果然冇錯,ki件事......
但我唔想多講,是非我唔鐘意
若果其一真的想同我講,也許會樂意...
今日范太太突然送黎一些蛋糕同冰淇淋...
真心好感謝佢...
自小,grandma已經十多年冇理我呢個孫女,什至細佬未見過佢
家事我唔講咁多,畢竟佢始終係我親人
范太太如果可以,多麼希望你可以係我地既奶奶...
好多謝你對我既關心
嘿嘿...
買左一箱弟弟喜歡飲既c1000...
媽話orange juice好d 冇得買檸檬juice...哈
好酸~~~~
最近,買左一支研究左好耐既洗面
--------aquamoist 透明質酸
透明質酸之前上網搜尋過資料,
資料顯示基本結構是由兩個雙糖單位D
-葡萄糖醛酸及N-乙醯葡糖胺組成的大型多醣類。
透明質酸是由膜蛋白透明質酸合成酶合成的
透明質酸是人體真皮層的一種天然成份...
若要知道詳情,請自己上網搵搵
呢支野係我用過既潔臉產品最好的
好似豆咁大粒份量已經有幾厚既幾密既泡泡
用上係軟軟柔柔,好舒服
只係我唔係幾鐘意佢陣味...有dd似蛋白味
但過左水...冇曬味
洗完皮膚乾乾淨淨,神奇地連粉刺都少好多!!
只係開頭緊左d...乾性皮膚最少要噴番保濕水!
提議乾性者一星期最多用三次(例子:我...= =)
用完過多五分鐘左右,塊臉好水潤...一日都冇咩變到...
呢個產品令我打破自己既壞習慣---->三分鐘熱度
連續幾日都有用
哈,如果你地想皮膚得到改善,除左唔好懶(我已經用左過度期兩個多月= =...依家為自己,要改...快d救番皮膚)
最重要要小心留意同改善不良生活習慣
遲d,我會介紹一d你地想知既野
(p.s. 護膚終止係為自己好,唔好blindly相信****...即係同一分錢一分貸...)
好啦...我嘗試第一次俾分
Aquamoist 透明質酸洗顏$39.9(原價$5*)
價格:●●●●○
滋潤度:●●●○○
氣味:●●○○○
潔淨度:●●●●○
溫和度:●●●●○
分享完畢...哈 |
本周運勢圖