我真係好唔開心，然後所有人都知道我好唔開心。 

然後呢幾日不斷發生既事就係，

無論係公司，定係同朋友出去，本來我上一刻都心情好靚哈哈大笑，

下一刻你覆我MSG我就sad到仆街。

屌，我仲可以點？

我知道我唔應該再聯絡你，但係我真係好在乎你。

我對你既在乎唔係因為我仍然想做你女朋友，關係已經唔重要，我只係想有你係我生活入面。

然後我就會不斷質疑自己，我係咪真係接受到同你做朋友呢？真正既朋友，我得唔得呢？

從一開始，你就係想追我既心態，我真係好唔肯定當你完全當我只係一個朋友既時候，我能唔能夠承受你既冷淡。

我一直幻想，假如你願意再見我，我一定會忍唔住好想攬住你。

唔係女朋友既方式，而係以前我對住你既方式，好想親近你，好喜歡好喜歡好喜歡你既方式。

記唔記得我地以前一齊係公園玩鏡，我笑到忍唔住攬住你？

Jesus....it makes me wanna cry if I can't see you anymore.

我知道，我有問題，如果我再見得返你，我一定會好想再次將你拖落水。

你以前成日話我係妖精，我宜家都開始覺得自己係Siren，我好想好想，唔係淨係自己係水入面，我好想將你扯返落海，同我一齊墮落。

可唔可以唔好忘記我，可唔可以唔好討厭我？

可唔可以，繼續喜歡像我這樣的一個人？

但係我唔敢有期待啊，我一諗到就想喊啦。

你記唔記得好耐之前你同我講過，我地對感情既睇法係調轉。

我唔一定需要情人，但我絕對需要朋友。

而你係一個冇情人就仿佛搵唔到自己價值既人，而朋友只係其次。

親愛的，當年，你為我慶祝生日，為我準備fIne dinning，係因為你愛上我。

但當年，我為你慶祝生日，我訂機票訂酒店都分開兩張床，因為你係我Best Friend。

後來在一起了，所有事都變得不一樣，我不懂去愛一個人，我愛你比愛我的Best Friend難太多，我無法順利去付出。

如今，我求你繼續做我朋友，其實等於求你繼續比我付出，比我愛你。

但係當我太了解你既時候，我知道當我不再是你喜歡的人，朋友對你來說根本毫無價值。

我太了解你了，所以我一邊等你回覆，我一邊越來越灰心。

但係正如今日我所講，DEAR，我既生活入面點可以冇左你呢？

我地可以連Mkt Place by Jason，究竟邊個係Jason 我地都可以笑到肚痛，

我地係對方既SOUL MATE啊，我等左二十幾年先至認識到一個同我咁似，完全互相明白既人，

我真係唔知我仲可以點，我以前一直以為係你冇左我唔得，其實冇左你唔得果個，係我。

所以，係乜嘢關係，根本輪唔到我揀。

從小到大，我想要既嘢基本上都有，肯爭取就有。但我得唔到你。

我好傷心好傷心，我二十幾年來，從來冇強求過任何野，我一直都順其自然，唯有你，我真係好想強求。

你既出現，你既離開，令我明白好多多嘢，甚至比以往拍拖七年分手那一刻成熟得更快。

我一直都同你講，我係一個好奇怪既人，真係好奇怪

Radiohead: but I am a creep, I am a weirdo.

你明，也大概只有你明。

今日係2019年2月20號，

我認為我已經遇到了我的Soul Mate而我好想留住個人係生命入面，

但係我完全唔知佢有咩諗法，我亦無法控制佢既諗法，

今日既我，終於知道關係係雙向，我無辦法強求佢任何野。

但我想許一個願，我希望我地既緣分未盡，我希望我仍然能夠為呢個人付出，仍然能夠留係呢個人身邊陪佢分享生活。

因為，我很愛我這個朋友。

上帝，佛祖，月老，BLAH BLAH BLAH，誰也好，能不能幫我一把。

然而，今日係2019年2月20號，

假如，假如，我地真係已經緣盡，假如我願望未能實現，

我都好希望自己記住今日，因為除了許願，我亦想挑戰自己。

挑戰自己繼續勇敢、努力地走下去，

我明白自己有時候就是太多前設了，我總是覺得自己遇不到更好的。。

像分手七年的時候，我經常覺得自己不會再遇到一個比CH更愛我的人了，但後來，我卻遇到他，哈哈。

真傻，對不對？

所以，我也想鼓勵自己，說不定，我會遇到另一個更懂我的人？

連自己也說服不了，唉，但我所能做的，就只有努力向前走了，畢竟，我是成年人了。

但願，你幸福。