尋晚4點幾先訓=v=''唔知因何事,跟住想一訓訓到12點，點知被個電話嘈醒左......
「喂？」
「呀俊呀，你起左身啦？我帶細佬去身體檢查呀，跟住我去探呀婆嫁啦，午餐呀爸買俾你嫁啦，係咁啦....」
=0=''在完全未清醒既情況下被媽子轟炸.....無奈。
唔起都起左身啦，起啦--''，食左早餐就去打「過山車大亨2」....打到1:00鐘，要去李兆基拿獎牌，問左人著咩衫，便去搵校服啦.....搵唔搵呀，大獲！！一件都冇！去睇下係咪洗左啦，又冇；去睇下係咪掛起左，又冇0.0''，跟住打電話俾呀媽求救，媽子話....
「下？你依家要？『全部』漂緊wor....(心知不妙)」
「咁點呀？」
「著冬季啦....(無言)」
「下？好熱wor...」
「咁運動裝啦」
「哦....」
==''媽子既方法不太可行，冇時間啦！靠自己啦！見到細佬有件葉紀南校服，又有件「冷」衫....哈哈，冇錯，就係著多件....。跟住以極快既速度衝出門口...
去到李兆基門口...- -成排人到哂，咦？我遲到??!!!唔會唔會！睇錶，岩岩好2:00=v=''無論有冇都好，要大家等唔好意思，道歉先...
跟住上去禮堂，好大好大-v-''，樓底好高，高到可以打排球,相對於我校的......就座後，典禮未開始，派發一堆既紙張，一睇，嘩嘩嘩！==''2:15-4:30，大獲啦，要咁耐嫁？慘囉。
典禮正式開始，幸好既係「只有」兩位嘉賓致詞，很快便到頒獎部分....之後不說了，無什麼特別。
「XXXXXXXX典禮正式完滿結束」，終於完了，然後幫位人兄拿獎盃回校，直到回到校園後門...見到有位工人整緊個門口，那位人兄一踏就踏入去.....d泥既物體中
「喂，有冇搞錯呀，我整左好耐嫁，唔該你啦，你要入既話咪出聲囉....唉！」工人對我們說。
「對唔住wor...我睇唔到(佢拿住一箱獎牌)。」那位人兄說。
「頂你呀.....」工人再罵.....(跟住那位人兄示意我和那位女C由正門進)
「兄弟，打X佢....」工人對另一位同伙說。
嘩！使唔使呀？你試下動手打人...我睇住你打，做證人，然後報警....幸好有位校工走過黎睇下咩事...個個工人先冷靜下來。
乜依家d人咁兇既--''，好恐怖....
放底左d獎牌後之後，一個人去左行葵廣，扭左個史迪仔，買左杯野飲，回家去.....有時一個人都唔錯，唔使去問其他人既意見，去做就去做，去邊就去邊...哈哈！
|
