又有2日冇打啦...真係唔好意思啦...><"

其實呢幾日都真係冇咩做，搞到想打日記果陣都覺得冇咩內容...

呢排通脹好鬼得人驚，搞到依家好似就黎飯都冇得食...真係冇陰公啦><

聽日應該會出沙田，去意粉屋定Fish&Co食好呢?好似2間都幾好咁喎...唉也...呢個世界最難諗嘅野莫過於到底自己想食咩...呢樣又想食，果樣又想食，到頭來可能咩都食唔到...><""

話說我隻G-Shock冇電，依家日日落雨冇得打波，搞到好耐都冇俾隻錶曬過太陽，我隻錶就係太陽能嘅，依家日日都陰天...係咪玩野呀?隻錶依家咩野都顯示唔到呀...OH NO!!

呢篇日記點解好似好亂咁? 

點解成日都落雨架?搞到冇射打波...too bad...

話說噚日拎咗部數碼相機番屋企之後，都花咗唔少時間去研究，今日趁lunch出咗去大埔中心買張記憶卡，買咗張TOSHIBA嘅4GB SD卡，$139...可以影9百幾張相，之後又諗到個問題，到底部機有冇咁多電去影咁多相呢?我諗都應該去買多舊電好D...

番到屋企又真係冇咩野做，都唔明點解搵咗咁耐工都冇回音...都唔知有冇搞錯架...莫非香港真係咁難搵工?好多公司一聽到話係暑假工就reject我...救命...響屋企真係好廢...除咗打機真係冇咩野好做...

依家夜麻麻有d想食野tim...><""，好掛住旺角嘅燒魷魚呀!!!唔知幾時有機會再食呢?