今日出去拎數碼相機...今次去灣仔拎...元朗好廢....

搭307出去，城記大中開1200，去到分域街落車都唔駛40mins，之後行過去駱克道果棟PCCW果度，中途見到呢架野，啞黑色法拉利呀!!型到呀!!-->

之後上到去就好快手拎咗部機啦...之後去食野...

本來諗住去沾仔記食，點知d人排隊排到出門口...唔想等...再行下睇下有咩食啦，之後見到勝香園，本身我都幾有興趣，點知成$3X先一個餐，雖然就話係SOHO區...好似唔係好值喎...之後見到新景記，呢間野今期「飲食男女」有介紹過架，黎得就梗係食魚蛋麵啦!魚蛋好鬼正...都係$18...抵食啦...

之後就行過去中環碼頭搭307，第1次行IFC Mall，都幾大，仲要間間野都係名店...><""，好想去Palace IFC睇戲...
 

烏雲密佈... 

又2日冇打啦

講番噚日先...朝早起身都9點幾啦，換埋衫就落去樓下體育館，因為朱book咗場打籃球，呢幾個月d場都唔駛$$，幾好呀...唔知點解去體育館打波射得唔夠街場咁準...成日都搵唔到果個力...好彩今次得8條人，4打4之下多咗位可以殺入...都幾爽...

之後下晝都一直響屋企，冇咩野做...

又講番今日，朝中出咗大埔中心食野，吉野家真係食唔飽我...之後番屋企果陣開始落勁大雨...好彩我都冇咩點濕到...

今日下晝同噚日下晝做嘅野係冇分別架...

之後夜晚睇溫布頓，睇到依家都未睇完，因為落咗好耐雨...><"

聽日要出去拎數碼相機啦，唔去元朗啦，去灣仔....順便搵好野食...><