補打...

又係補打日記，噚晚掛住打機唔記得打tim...

呢日行程都幾豐富，仲消耗大量體力...

首先朝早10點約左藍char鄭去打兵，真次真係超耐冇打啦，估唔到仲嬴到幾場，唔錯啦...打到12點...

之後同埋佢地落樓下大家樂食lunch，食食下見到莫東海同莫東山...

之後番屋企...打左陣機...又要出去啦...

3點出去打藍球，曬到冇朋友呀...不過又係因為2個禮拜冇打，搞到手感好冷，d波射極都唔入，真係可惡，所以打打下我都廢事射波啦，淨係幫人鋪橋搭路算啦...唉...真係差...打到我冇哂mood...

打到6點幾先番屋企...呢次真係累透啦...

夜晚本來約左藍2130打nbalive，點知佢竟然唔出現，放我飛機!!你真係可惡!!之後同佢講果陣佢話想打果陣就自然會搵我，依家咪係你話9點半打lor，你又唔出現，仲要響度扮哂大牌，依家我俾你呼之則來揮之則去呀??你老味!

今朝起身睇NBA PLAYOFFS FINALS，又係bos對lal，其實之前bos已經lead緊3:2，呢場番主場嬴埋就拎到冠軍...

一開波又係見到kobe bryant狂中3分，但係比分仍然拉唔開，咁問題就黎啦...之後kobe果d 3分開始失靈啦，想鏟籃又好難，因為bos用pack-line defense，kobe一鏟入到禁區bos班人就縮個防線，搞到kobe以一敵五...點射?!再加上第2節posey同埋eddie house加邊corner位2球連續3分波拉開咗個距離...最尾bos仲愈帶愈遠，最尾嬴39分...痴線架...KG喊啦，的確，一個有才能同實力嘅球員，將佢頭12年嘅職業生涯俾咗timberwolves，因為缺乏援助，孤掌難鳴之下，始終未能一嘗總冠軍，今年毅然投奔bos，希望響自己未走下坡之前拎到冠軍指環...佢終於成功咗，比起果d同是作戰多年嘅allen iverson, jason kidd等係好幸運...

睇完波之後就打波啦，不過唔係我個人去打，因為落雨，而係用電腦去打...同lewis打nba live 08，佢真係有進步...係咁入3分，搞到我差d輸埋...下次用all star同你打...廢事你射3分射得咁過癮><