今朝起身個頭wing下wing下咁樣，明明呢2日都冇夜波...都唔知搞咩...

10點鐘用下電腦打下機咁啦...因為下晝要出去考eng oral...

2點幾出門口，行去大元果個巴士站等72A，雖然知佢幾點開車，但係都係早到d好...點知響我等車15分鐘期間有3架開太平方向73走過，果陣係21-22分鐘一班車...><"但係依家平均5分鐘一班...真係誇張...上左架FV5261，又係果個姓蘇...條友好肴底...去到寶鄉橋見到頭先3架73拖哂卡等緊燈...難得一見...

去到大圍先至1518，時間尚早，買d野飲下先後先等車...黎架86B，照上，AD真係好涼，冷氣好鬼勁...隆亨落車，2個站就$4.1...><"

行到過去間學校仲有45分鐘...超早...過去商場行下哂下時間...間商場真係麻麻...冇咩野好行...又冇冷氣...唉...

再去番間學校已經有成堆人響門外面...等咗陣就入去啦...discussion真係好moke，4個人都agree，點知有條友講個point黎opposite番自己個立場，仲有另外2個人附和...我冇野講lor...我對面條友...頂...懶係pro咁，一開始就講咗句﹕「Fabulous!I  understand  your point!!」個語氣勁博打...呢個世界真係咩人都有...5點零可以走人...

搭80去黃大仙再搭MTR去彩虹，為嘅只係一條即將總站嘅線--->5...搭唔到熱狗，不過搭到ATE，上車之後落勁大雨，好彩搭唔到熱狗...去到TST，大風到遮都差d吹爛埋...痴線架...去BG食...

食完搭271番屋企，見HE7242唔上，下架係KJ533，不過係梁景可揸，都算啦，照上...點知佢碌車，佢之前都唔係咁架...番到落下見到後車係HZ673，點解271咁多廢車...唉...

今日都幾好天，不過好天其實就係勁曬...

噚晚睇波，睇到2點先完，今朝8點俾人叫咗起身，仲點埋我出去買早餐，攰到死，唔夠瞓...

番到屋企9點，啱啱好就有nba睇，仲係塞爾特人主場，湖人除咗一開波領先過，之後就一直俾人大拋...最尾追到差4分，但係最尾都係唔得...湖人咁就輸緊2-0啦...睇下跟住佢地3場主場會打成點啦...

之後就要出街啦，話就約呜方深舟出去旺角行下，我就冇興趣去買咩衫，但係就好有興趣去「掃街」，搭72X出去，竟然搭中HD199，平路都唔多大問題，係加速比較慢...但係有些少斜路，就不斷跌速，最嚴重就係上獅隧果度，上到頂得番40，真係好慢...

去到MK都1點3，搵野食下先啦，先食咗串燒賣同炸大腸，炸大腸係我次次去MK都一定會食架，雖然膽固醇都好高，但係真係好好食...唔健康少少又有咩所謂呢?之後行下花園街，即係波鞋街，愈睇d NBA球衣愈貴，有一間上樓嘅，叫做shooting five，專賣NBA波衫，除咗依家嘅波衫，仲有retro嘅，方生用咗6舊幾水買咗件1975-1976年太陽隊嘅球衣，上面印咗史杜達米亞嘅名，我相信呢見衫著出黎一定冇可能同人地撞衫...買完之後繼續食野，食築地-->(有相睇)，呢幾舊野就$18，都算貴，但係都試一試，網上d人都話好食，我都覺得好好食，食果陣差d燙傷個嘴...左面白色果pat係蛋黃醬，酸酸地好好味...呢間野下次再去MK就一定食架啦!!

之後行到落登打士街，又有一間野食串燒魷魚，有些少spicy，非常delicious，仲食埋臭豆腐，呢間野d臭豆腐未行到去都已經聞到陣味...正呀~~~

之後去側邊買杯士多啤梨沙冰,,,等咗好耐...唉...熱死人...

之後搭車過去SSP，行咗陣黃金，之後帶方生去食劉森記，我之前已經黎過，蝦子撈麵正到痺呀...想睇相就上openrice果度睇啦...

之後行過去搭72番大埔，去到沙田新城市，見到前車HB916擺咗響度，又有一大班人等過車...班友上哂之後就有人要企啦...番到大埔5點幾...