又有幾日冇打啦...

今日係第1科呀，cit呀...雖然我都預備咗唔少時間，但係都十分之咁淆底...

噚晚唔知點解嚴重失眠，差唔多4點鐘先至瞓到...但係未到7點又起身啦...唉...

落到樓下咁啱見到架71k，見今日都好焗，都唔想行，咁就上車啦...去到富善先至0730，咁就入間M記食個靚早餐先啦...之後見到黃景鉦，佢又係救恩考...之後等埋LWT同埋浚就行過去啦...一去到就見到fucfuc啦...唉...

救恩都有好多我地學校d人去考...

paper1都冇咩特別啦，mc就真係溫唔溫書都係咁架啦，因為佢例牌唔出書果d架啦...之後paper2先至nai大野，multimedia呢個module本身就唔係特別好讀d，d問題又虛無飄渺，答案亦出奇得令人目瞪口呆...於是成份野渾渾噩噩之下，都唔知做咗d咩出黎...加上時間都有d緊追，呢次真係等拉curve...

完果陣都1216，之後成班人去太快活食野...拎份mc出黎對，錯3題...

點知番到屋企收到某information，最新結果我得33/40...OMG!
 

今朝起身之後去咗迎囍飲茶...食咗好多野...食食下一望出窗口對開嘅大埔太和路，見到有架307同埋271向太和方向駛去，以為自已噚晚溫書溫得太夜眼花，之後再留意多陣，連75X同73X都有...咁就肯定唔係睇錯啦，仲要車上面有人喎...呀爸話佢揸車接呀嫲入黎大埔果陣因為安祥路爆水管之後兜大圈...原來如此。真係唁係好明點解大埔果個位成日都可以爆水管，又唔見香港其地方係咁，隔2,3個月就爆一獲...畸型!

食完野行到去大中巴總，突然又見到K12兜大中巴總，仲有74A熱狗重臨全冷多年嘅大中巴總...呢次肯定大把人黎影相啦...

番到富亨問下班271 carlo，佢地話飛安祥路果個站，有2個方法兜都得，1係行番CPU果邊轉新興再轉大埔太和路再轉番寶鄉橋，2係照樣M記果邊出大中之後直去八號花園再轉大埔舊墟公園再轉大埔太和路入番寶鄕橋，我就覺得第2個method會快d...

據了解有307同埋72唔知頸唔知路直入安祥路，之後冇路走入咗安埔里調頭，真係高難度!

番到屋企又係溫cit啦，搞掂埋core個volume 2...

依家再做多次pastpaper咁我cit就宣佈收工啦...

天文台又話唔掛3號，依家咪終於又係掛咗，其實依家個風都未算最近呀，聽日仲近，睇下掛唔掛到8號啦...今年真係早打風...