今日都係繼續溫chem啦/.\...

溫溫下就出咗大埔中心剪頭髮，條友又剪到好鬼短，都唔駛番學啦，剪咁短黎做咩?!之後去咗食野，食完再響JUSCO行咗陣先番屋企...

番到屋企除咗溫書同用下電腦之外就真係冇咩野可以做，電腦嘅吸引力真大...不過我都仲未至於behind我自己個schedule...聽日就應該溫哂chem書架啦，之後就做多幾年pastpaper，同埋要補做番之前果幾年果d mc，因為之前mock果陣 冇做mc，淨做paper1...目標都係做10年啦...今晚溫埋blech先啦...咁聽日就溫埋organic chem啦...

呢排我都有留意下有d咩覓食好去處，等考完CE果陣就可以周圍去食野啦...仲有好多地方都想去，for example就有龍鼓灘，黃石碼頭等等...放3個半月假真係要諗諗有咩做...響屋企打機就真係曬哂...

今朝去打波，但係我噚晚溫完physics，成1點先瞓...搞到今朝8點先起身...拿拿臨出門口...

今日mak sir都黎打，真係熱鬧，打打下見對面場有班我地學校嘅form3，就叫埋佢地一齊打全場，點知佢地都唔係好勁...d人仲愈打愈燥，佢地不斷係外圍傳黎傳去，d攻勢未夠入肉呀...我上親籃都俾人打咁滯，手頭腳乜都打過=[...之後打打下仲見到方深舟，咁梗係即刻叫佢入黎打啦，仲嬴多10幾分...><

打到11點左右番屋企...

一路食野一路睇明珠台播湖人對黃蜂，一開始黃蜂仲人地大拋20分，但係到第4節就追到，可惜Chris Paul同埋Tyson Chandler都有5犯落場抖，如果唔係應該都嬴架啦...唉...

睇完波就開始溫chem啦，但係都溫得唔係好專心，叫做溫完book 1A咁啦，溫完即係背哂...再係咁落去真係要諗下駛唔駛番學校溫，番學校溫可能會仲好...起碼專心好多...