今個星期淨係由星期一返到星期三，之後就係study leave啦...
其實呢幾日都不外乎派番d mock卷番黎...就睇下點衰法...
先派eng，淨係派咗paper2，87/109，都算ok啦，其中task4出現突發性失聰，搞到好混亂之後失咗唔少分呀...好彩後面果2篇野補番數...
再派physics，其實期望又唔算特別大，paper1就60/90，paper2就39/45，睇番成績表個分都有75，好過上年5分有突...睇番份paper1，發現又有唔小心嘅事情發生，再加上作答技巧未完善，導致個分唔高...睇黎都要搵d時間狂刨pastppaper solution啦...
之後就有cit，paper1即係core就45/60(應該仲有得加分，聽日去搵方sir拆掂佢先)，paper1 mc就33/40，paper2 multi就33/60...睇個分就發覺paper2超爛，其實multi我就覺得幾難攞分，特別就係佢d marking，唔屈機唔寫...真係俾佢玩哂...成績表分有7X，好過上年好多...
再黎amaths，呢份真係唔好提啦，夾埋得45/110，肥埋...><""...不過頭先我計埋果d test嘅分，拉番合格，真係好彩啦...><"
之後有chem，其實呢份野係一早派咗...計埋之後成績表分就67...最衰都係個exam炒，唔係都唔會拉低哂個分...唉...
再派埋中文paper3,4,5，paper3就40/60，個俾分又係好狗，果d咁嘅table真係...答啱2分，答錯就扣4分...點玩呀?!paper4，朗讀就18/27，discussion就12/18...都算ok啦...paper5就33/50，我寫哂成張紙咁滯，個語境唔知點解得6分...><"""
放學要落office，因為收到第4次call...差d俾人扣分呀...><"""
之後就番屋企啦...頭先就做咗physics 2001pastpaper...都唔難喎，實高分過學校mock啦...
呢幾日超鍾意聽張宇d歌，佢響台灣俾人稱為苦情歌王，有幾首都真係好正-->「一言難盡」,「用心良苦」,「月亮惹的禍」,「趁早」等等，首首都係超好聽!!!!!! |
