是日星期六也，朝早去打波，真係有好耐冇打啦，就黎連波都唔識射啦...周天條狗人又伸腳出黎撞人，撞到我痴線...

打到10點幾番屋企，今日天氣都真係幾好，因為有出太陽，仲有d暖意tim...

沖埋涼就溫下cit啦，溫到中午出去補習...

搭到FZ5653，架車真係廢到爛呀...係咁kickdiwn都係冇用嘅，都唔明點解九巴tune果d老虎蘭tune到冇哂力，但係以前中巴果d真係tune得靚好多，一俾油就係咁去...九巴班友知道冇盒都唔敢踩快d...搞錯呀!去到黃大仙見康紀強上車...佢揸夜更...

響九龍灣食埋飯先上去補習...2堂都銖精神，不過中文有些少悶...

補完過番去搭74A，諗起今個月FZ7602係4車，康紀強又夜更..咁即係話會坐到啦，等咗陣就有車啦，未上車已經見到朱濱啦，佢又出黎跟車，真係好似好得閒咁喎，都就快考mock啦...康紀強見到有人坐佢車就會開得快架啦...落完獅隧個brake皮俾佢磨到出燶味...由我上車都大埔都係40mins...呢個鐘數黎講都算快啦...響大中落車之後就番屋企啦...

頭先溫完cit又做咗2年cit pastpaper mc...聽朝做埋structured questions就溫完啦... 

星期五啦，計埋今日仲有10日就mock啦，溫書工作真係如火如荼呀...

今日又有果d死人test，不過依家test完都好，起碼就唔駛再溫phy嗁book 3了...第1堂就test，錯咗題mc，我諗仲有其他野錯，起望有85%以上啦...

之後chem...教完detergent啦掛?!走去教生化柴油...

recess,,,周康婷早退...好似病得好辛苦...抖多d啦

cit，有mc做，40題錯咗7題...oh no...不過未溫書係咁架啦...dennis真係愈來愈大膽，上堂大聲講shxt俾方sir聽...我都唔敢啦...膽大包天也!

eng...廢也...

lunch@KFC，又俾呢間野昆水啦...

amaths，2堂做mock paper，做section b，真係有難度，如果form6仲走去讀p maths就真係死得啦，所以我更加肯定我返到原校我一定揀bio，p maths我肯定要比人地付出更多先有成績，我咁懶實唔得la...><"

放學番屋企...

放晚喪溫cit，已經攻陷 multimedia，之後再做埋2年past paper paper2嘅題目，有d真係幾屈下!