噚晚溫phy溫得一d都唔熟，唔知點解學校d test都有個現象，就係當個範圍愈大果陣就會愈難，咁我就會愈低分，今次有5個chapters，有8成我都非常之咁高興lor，雖然就只係得M.C 25題，但係好多題都係陰人，我都俾佢陰咗幾題啦，我真係好憎M.C，通常都成人俾人陰死，structure  question就唔會有嘅事發生啦，只要有溫書同埋有番少少writing skills就搞掂哂，一定高分，計數都冇咁易錯...><""

chem堂真係好沮喪，個位又調埋去d山旯啦位，想問題題都冇人叫我啦，可怒也!!

cit堂派番上次分test，有9成，都好滿足架啦我，但係朱有成29，真係好想死呀...><""，之後上網做野做咗成堂，最尾做完想聽歌，上youtube聽又buffer得好鬼慢，上百度又係咁，學校到底用緊咩bandwidth呀?!

phy就派番之前果次test，同cit果份野個分一樣，計埋都有8成5，都唔錯啦...之後我都冇聽徐sir解番份野，自己響度同人地吹水，咁佢又吹唔脹我架><

放學test完就番屋企啦，因為聽日又有bk test啦，真係好想嘔呀，d test真係日日有...><""

今日有chem test，其實都唔易架啦今次，淨係MC已經夠做死人啦，之後short question又係勁煩，係個paragraph好似易d攞黎送分咁樣...呢次有7成5都好滿足啦，又會無lala提高咗難度架...><"""...

今日d堂都ok悶，eng堂爛就係人都知架啦，bio堂都好悶，悶到我想瞓覺呀...真係好頂，想聽書都聽唔到tim，不過唔緊要啦，其實我都係自己睇番溫番就去test架啦，有人教or冇人教好似都冇咩分別咋喎...

呢幾日又係喪交錢，又班會費，又gradin，乜都有呀真係，夾埋夾埋我要交成400幾蚊，真係唔好去搶!

而家開始真係唔打機啦，再打落去真係唔駛溫書啦，睇黎我盒NBA LIVE 08都要擺到封哂塵架啦...><""，睇下到時會考完之後再買隻實車game黎玩下啦，我真係好想玩賽車game!!

頭先又要溫phy，d test又再次排山倒海咁樣擺出黎，真係當人地唔駛按照自己進度溫書咩，3日唔埋2日又有test，有d仲要係CE果陣唔駛考，例如BK啦，你話係咪哂緊我d時間呀?!即係溫一科幾個chapters都用你一晚啦，又要番學，痴線咩!!

phy睇個樣又會好似今日果傷chem咁啦，真係愈諗愈沮喪呀...

今日PE堂又好鬼慘，跑環校果陣俾NGV響後面kick到我，搞到跌響度，手腳都傷哂><!最尾跑到8分25，同我自己最好果個時間都差成40秒都有啦，唉...之後去medical rm洗傷口，oh no!!