屈咗響屋企咁多日，今日終於的起心肝出去行下減減壓先...
9點半落樓下搭71A再轉港鐵去紅磡...之後再落去搭111過去灣仔...
由屋企出發去到灣仔都只係一個鐘，入咗間叫做「豪華珈啡茶廳」食野，間野睇落係普通茶餐廳，但係我去到果陣係10點半，都吸引到唔少西裝友幫趁，間野嘅蛋牛麵好出名，我就叫咗碗試下，果然好食，再飲埋杯「茶走」，真係嘆...
食完之後響附近行陣，之後就搭37B入去香港仔...黎咗架9041，前中巴富豪，我諗係由於尾牙問題，一有少少斜路架野就會跌速，呢個都算係城巴d富豪嘅其中一個通病...過咗香港仔隧道，老明打黎話要搵人去唱K，點知原來得3丁人，雖然我可以趕到返去大埔，但係真係太少人，會好悶...於是就繼續我嘅行程，去到香港仔海旁落車，個海濱公園係對住鴨脷洲，中間就係香港仔避風塘...
行番過去香港仔中心，響舊大街果度有間叫「謝記魚蛋」，呢間野我暑假果陣已經去過一次架啦，今次再番黎係因為呢度d魚蛋的確好正，叫咗碗魚蛋麵，d魚蛋彈牙到...大埔間學利俾人拋離幾條街啦...食完之後香港仔行咗陣，本來諗坐行上石排灣，但係響下面見到條超長樓梯已經唔想行啦...
搭95入鴨脷洲再坐171過去西九....
去到深水埗北河街落車...之後行去買白糖糕食，間野加價，原本都唔係平架啦，依家仲要一件加5毫子...><"""
買完就行過去西九龍中心搭66，上咗架FX9694，荔廠車...荔廠班人揸66普遍都幾快，我搭過咁多次都未見過有荔廠人碌車，上屯公全程鎖2波都夠做，都可以踩到77-78，voith個2波咁強勁...><"""
入到大興hea咗好耐，因為等架FX9694開咗先搭佢後車，即係GK2586...今次終於撞正夜更人，唔駛再見到果個早更碌柴...架車仲係好勁，一俾油即刻推背...上到屯公一開始都好hea咁揸，行70左右...之後去到上大欖斜就開始黎料，先抽中線爬一大堆車，之後hold住中線繼續踩，踩到8x，架野真係好正...一直keep住行8x去到油柑頭果幾個S彎為止...爽到><"
響眾安街落車搭73X番大埔...偏偏又搭到d冷龍，73X果d冷龍架架都係廢，今次搭到架GM4024，仲要個人有多少碌車意識，架車得果10幾個人1，上和宜合道得20左右，真係廢到hihi，佢個1波得20，轉2波轉得唔夠快，又有唔少動力流失埋，轉數又過低，變成又係落番1波..於是就咁慢...有個好處就係d冷氣好夠...
番到屋企4點鐘...
|
