今朝又係去打波，不過今日真係有史以黎第1次打波打到變成一隻落湯雞~~~話說今朝起身個天仲好地地，點知一去到三樂周就落雨，不過就唔算好大，之後又出番太陽，d人黎齊之後打左幾分鐘又落雨啦...行埋樹底避雨，就係咁樣斷斷續續打到9點幾，最尾愈大愈大雨，竟然冇人有意識去避雨，打到去個地下都積哂水，連波都接唔到果陣就即刻走人...件衫濕到透呀><""...同周天行番去，過左馬路竟然見到黃詠襄，於是就叫佢遮埋我，周天真係可憐lor...><""

番到屋企即刻沖涼先...廢事陣間病咗就仲手尾長...

沖完涼先至10點，呢個時間就梗係睇波啦，又係睇lakers vs spurs...馬刺主場俾湖人搞掂咗啦，呢鋪馬刺仲唔死，我發覺NBA果dref嘅判決好有問題，有咩理由odom企定響進攻有理區出面先，後有duncan撞埋去，仲會defensive foul呢?!主場雞呢樣野真係好煩，講差d就即係黑哨...

睇完之後都冇咩做，成下野，打下機咁啦...又一日啦...

呢幾日真係好悶，成日都係睇人地日記，自己又唔打喎，真係好懶...

呢排成日都落雨，落完雨出太陽果下真係熱到無倫...

前幾日下晝去咗沙田源禾路打籃球，同方深舟同胡一齊去，我都係第一次響非大埔地區打波...下晝打波真係熱到低能，下次都咪鬼下晝打...話說響禾輋有間野叫「家興超級市場」，唔知開呢間野果條友同我有咩關係呢???入去買野飲，間野d野真係平到冇人有，1.8L嘅bonaque水$4.5 only!!!!!點解我地呢度物價貴咁多架??

噚日就出咗去覓食，先搭73過上水，出咗忽然間勁大雨，未及得切閂窗之際，我隻手已經濕哂...ORZ...去到上水，跨過火車站，去到巴總，咁岩見到276有架AM，又會咁好彩...有個老人家帶住一個大陸女人，仲抽住架車仔，佢上車竟然坐第1排位，佢係第1個上車，咁樣搞真係阻住哂後面d人，好心佢就搭276P啦，搭AP就唔駛咁辛苦啦...唉...去到元朗趁停果陣買把遮先，點知買完就唔落雨啦...搞錯!!行入元朗康樂路，側邊有間叫「勝利牛丸」，呢間野d牛丸真係好正，超彈牙，一流呀!我下次實番黎食!之後行去恆香買咗半打老婆餅...熱鬼死我...之後搭LRT去大興，去到見到66架FP6583諗住開，不過我冇興趣上，搭咗後車FP7359，一上車見到再後車係GK2586，頂...下車有機會再搭啦...條友都唔肯去，其實部車都ok，去到70都仲有好強加速力，偏偏條友落斜收油收得好緊要...仲要跟架B.MAN車尾...唉...去到長沙灣落車啦...過對面搭72，咁岩搭中張某，佢真係踩得好快...50mins番到大埔...不錯...