呢2日真係唔講得笑...

連住2日上靈風考中文...

講番噚日番卷一閱理，佢叫我睇下有冇印漏野果陣我已經留意到有好多fill in the blanks同埋四式選擇題...題目嘅形式睇上去好似好易，但係諗深一層，佢如果係出得淺又點樣可以分得清咩人有咩grade呢?於是都心知不妙啦!一開始做第1篇，做落又好似冇咩野，成篇都ok淺白易明...但係一打開第2篇...見到一篇由張若虛所寫嘅「春江花月夜」，又唔算係太文言文，再睇埋d問題，四式果4個ans都係差唔多一樣...最特別係篇文原來係講緊宇宙永恆(我係考完番屋企響hkdiscuss睇到篇語譯先知)，我真係打咗個突，篇野我真係唔係好有果個作者果種情lor...頂!!響充滿猶疑之下做到第3篇，呢篇野又唔知佢響度做咩...不過都好過第2篇，但係有4分1題嘅mc，真係好貴呀...最尾先得1題6分嘅問意見...真係好唔掂lor...考完之後覺得自己頭先做嘅係一pat野...仆哂X又冚哂XX!!!

再做卷2，本來諗住做topic3，但係諗唔到論據，於是放棄咗...轉做topic2，簫源都算係tip中個體裁...作落都好順，最尾作完仲有15mins，寫咗11xx字...我諗呢份都算ok掛...

夜晚聽呀麥潤壽，有好多考生打上去話中文卷一好大問題，條友響度帶d  phone-in人遊花園，人地講四式，你就話好似六合彩...又話呢個係世界係幾唔公平又點點點...你去試下考呀...睇下你係咪嘈到媽媽聲...響度廢up...dame it!

講番今日啦...

9點15入去坐，坐到10點先開始卷三，聽住果個唔知咩鬼點唱節目，真係好鬼悶lor...卷三都冇咩特別，所有野都係意料之內...之後緊接paper5，聽果個資料果陣，佢入面講埋點作講稿，我頂你咩!你唔好再講多d?果d冇溫書咪着數哂??呢個都未算，聽聽下有鬼叫加呻吟聲，搞到我以為果2個細路個老母叫春，差d笑出黎...佢個海洋公園廣告點錄出黎架!?真係好難聽，以為自己聽錯...仲要懶係潮流用語咁...真係不知所謂...HKEAA班友prepare咗成年出d咁嘅質素嘅product出黎!?你係咪講笑呀?想騙我財呀?全港咁多人考中文，一人俾百幾蚊都大把水啦...真係諗唔到HKEAA果班屎忽鬼係邊度搵番黎，他媽的!!

今日係第2科，physics是也...

今日又係去救恩考，我夾夾埋要去呢間野4次...唉...可唔可以俾多d機會我去睇下其他中學架呢?!

又係搭71K過去，條友竟然碌車，好彩我呢d短途客就影響不大...

去到富善，例牌去M記食個早餐先啦，食食下見到LWT，不過佢係去卍慈...

食完就行過去啦，見到成堆5E人...><

等咗陣話咁快就入場啦...

paper 1，成份野都好似唔太難，但係愈唔難就代表愈多人有機會拎高分，於是我攞高grade就愈少機會啦...paper雖然係易，但係都有好多大意野，例如計錯數啦，希望唔扣多過20分啦...

paper 2，呢個亦都係我最大難關，我不嬲都係MC好爛...有幾題都唔肯定，知自己錯梗啦...出黎同人對下ans，大約都錯6-8題...唔緊要啦，我又唔係想攞A果d人...坐個C望個B都唔錯啦...

之後同周天行番去，行行下佢話唔記得攞遮，又行番轉頭...好麻煩...行行下見到某人同某某人(唔透露姓名)...唉...

番到屋企抖咗半個下晝又開工溫chem啦，之前果2科都唔麻麻地...以後落黎果幾科都唔可以失手呀!

下次打日記會係星期五晚...byebye