又有幾日冇打日記啦...

其實呢幾日都冇咩野做，都係響屋企...行行企企食飯幾味，之後去interview果幾份工都冇咩回音，睇個樣都唔會請我...依家愈黎愈唔想搵工...

呢幾日都有幾多波睇，有nba playoff final仲有歐洲國家盃，聽朝就有第2場nba總決賽，又係時候擔定張櫈仔睇啦...噚晚同今晚都有歐國盃，噚晚睇咗瑞士對捷克同埋半場葡萄牙對土耳其，贂到差唔多4點先瞓...搞到今朝10點起身都覺得勁攰...早知聽妳講早d抖啦...><""

今晚等陣又有波睇啦，聽朝又有nba，下晝再出去mk覓食，行程都幾豐富架!睇下會唔會影低d野食嘅相post俾大家睇下啦... 

今朝起身陪呀媽上咗去那打素，攞藥順便食早餐...鬼叫我咁得閒咩...

一行入那打素門口就見到ywai...咁早都撞到人...好少可><"

番到屋企用番陣電腦，之後就落樓下體育館，當然係朱book咗場打波啦...今日終於冇出現d多餘嘅人，幾好...莫東海真係好搞笑，打打下波俾黑柴擊中下體，佢抖咗陣之後入番場打一陣又打到「爆呔」，果下真係笑死我...之後佢打電話call佢呀媽拎條褲黎換...><""...呢場波手風都係麻麻...入得1球3分，上咗幾次籃，籃低執咗幾次雞...打咗2個鐘先得呢d表現...no good...

之後同朱jerome方出咗大間麥記食野...食完去吉野家買個下午茶俾呀媽...又見到黑柴...

番到屋企都差唔多4點...

之後打下機咁啦...

老豆番咗大陸幾日...

聽朝有睇波...呵呵!!成個禮拜都冇波睇真係慘啦...過多幾日有歐國盃，又要晚晚對住部電腦啦...