轉咗背景音樂....

今朝7點幾起咗身，諗住背vocab嘅時候，忽然收到曉膠嘅電話，話去打波喎，咁耐冇打就梗係去la，我嗌佢嗌埋周天去...我地去咗聖母聖心打，撻地都仲係跣，真係唔可以跑得快...蝴蝶唔知係唔係睇得太多dallas mavericks個主力奴域斯基打波，個打法真係十足十一模一樣咁，d小跳步同埋turnaround-jumper都係變哂態...

返到屋企，沖個涼又出去去教會啦，今日遲咗少少，但係見到班女仔仲未上去hall，莫非真係好似校長咁講要等埋一齊先上去，就係為咗坐埋一齊????今日校長講，唔知點解講講下就攞個世界盃出黎講，都唔lar 更嘅...就係因為佢響度講廢話，搞到遲哂!!!

返到屋企，溫英文，vocab list話咁快就背好啦!!!cl，我覺得暗潮洶湧，驚炒!!

唔，今日又響屋企溫書，一朝早作咗果篇文「我的摯友」...要抒情，我唔係幾啱作抒情文，因為我實在冇情可以抒發...之後溫cl，今次終於溫到喇...之後又溫咗d history咁啦...啱啱藍同我講話要做中史作業，我真係如夢初醒，不過冇拎番屋企...聽日要去教會，不過仲有英文未溫。

上nba.com依家已經成為咗我每日必做嘅事之一，其他包括去廁所，呼吸等...今日miami heat終於嬴咗!!!!4-2嬴咗pistons，第一次打入總決賽呀!!!!!!!另一方面，dallas mavericks都領先到去3:2喇，睇黎mav進入總決賽有好大機會，唔知胡開唔開心呢??我自從o'neil轉會heat之後就開始撐heat，奧尼爾加上獲迪成為咗聯盟得分最高嘅「孖寶組合」，仲有雙jones(damon & eddie)的三分能力，進攻火力達到頂峰。上年，heat響東岸決賽對pistons，只係差兩分鐘就可以嬴，但獲迪嘅受傷成為咗關鍵所在，奧尼爾獨力難支之下輸咗。今年又再次捲土重來，但係季初放走咗雙jones，令到外圍進攻不穩，雖然補入咗jason williams，james posey同埋antonie walker，但係彌補唔到，但係到季後賽，walker on fire，外圍神準，終於響決賽成功擊敗pistons!!!!!