琴晚本來諗住睇波，校咗鬧鐘兩點幾起身嘅，點知個鬧鐘唔生性，唔響喎!!於是就冇睇到喇...不過今個星期五又有得睇啦!!!

今朝又係落雨，本來約咗膠等人去打波，咁就冇去到...留係屋企，就做下中文果本tsa，話咁快就做哂第三個exercise，之後開電腦，打咗陣機...自從我download咗個euroleague 2006(nba live06嘅搭載程式)，之後次次入到去按開始比賽果度，d球隊全部由nba球隊變咗做歐州球隊喎，但係d球隊有球員名不過冇人樣，一load個game就跳番出去桌面，但係又冇得退出個載入嘅euroleague2006，搞到我打唔到，聽咗胡講，重新裝過nba live06，但係都仲係咁個死人樣，得個隊名又冇隊徽...xdd!!!而家等緊nba live07...好快會出架啦!!!!依家就焗住打fifa...

開電視，做緊龍舟喎，睇咗一陣，有d悶....背《浪淘沙》同埋《鵲橋仙》...

之後再打fifa，打西班牙國王盃，用barcelona，第一場對real madrid castillia(皇馬b隊)，4:0，eto'o hat-trick...第二場對real madrid，第一回合8:2，雲邦賀斯梅開二度...

今日，is堂，徐sir講d嘢有八成明白，都算幾好!!pe堂，考掌上壓同sit-up，之後自由活動，但係打咗一陣波就落雨，唔通打波先黎落雨，之後吳sir話上班睇光碟，係講2006world cup，但係響我的電腦入面竟然冇光碟機...o嘴!!!

中文堂，朗讀，上堂我已經揹掂咗，於是今堂真係好無聊，無嘢做...eng堂，compo test，做了topic2，寫咗450字，不過寫得多就自然錯得多，早知唔寫咁多喇!!!!

lunch，同藍+samuel食，好快就食完返到學校，臨打鐘嘅時候朱企響窗邊睇有冇人遲到，真係xxxxxxxxxxx.....

cl堂，practical test，簡單也!!!maths，miss wong改好test了，今次25/30，之前果次溫咗5個鐘都冇今次溫一個鐘咁高分...無奈中...epa堂，泥膠唔易做嘅主角泥太又黎作搖籃曲...

放學後，打兵球，之後見到成班阿sir打波，李sir果件球衣都唔知響邊道買嘅，仲冷門過唔冷門-加拉塔沙雷!!!!!土耳其球隊，唔係咁搞笑呀嘩!!!!!!

同小灝傾咗陣，返屋企..