又到星期一啦，中六嘅第2個星期...

一朝早就黎3堂UE，真係麻煩，悶到痴線呀，差d坐到瞓著覺，oh no!

之後就chem堂，睇video又一堂啦，賴sir教書真係唔多掂lor，講英文好難聽，成日夾雜好多「la」...

跟住就CA，CA係最好嘅一堂黎架啦...

lunch同dlam佢地食，去咗椰林閣，我上年已經black list咗呢間野，我都抱住視死好歸嘅精神入去，咖哩牛腩飯好難食，牛腩好un...飽又難食，湯又難飲，又貴...同樣價錢去味千或者pizza hut好食好多...埋單都要等成10年，搞到差d遲到...

lunch之後就bio，教咗2頁就落堂...><""

最後係中化，講番果張野啦，好悶lor...charchau坐到個人呆咗，哈哈!

放學去咗拉記做埋d homework先，之後順便溫埋bio先走...廢事拎咁多書番屋企...

噚日同方去咗佐敦補simon，佢講野都ok狗...真係好博打...放咗之後去麥文記食雲吞麵，好正，係傳統做法，即係落韮黃同埋雲吞響麵下面，叫多碟油菜，埋單都30，唔係話食得好飽...呢間野頂多一個月食一次，次次咁食法都真係窮...下次試試第2間野，有間食焗飯嘅睇黎唔錯...

噚晚去咗富山食日本菜，平均每人消費$13X...我都未食飽...no good

又到星期六啦，朝早又係去打波，去到三樂周，hugo唔滿意地濕不利佢鏟籃，於是就番去富亨石場打，呢個場真係要就住就住，因為一跌就死硬架啦，所以我都冇咩興致鏟籃，得下中距算啦，點知又射得好鬼準，有人企響前面我都照入，哈哈...J又傷咗啦，都唔明點解d人成日扭傷隻腳...真係差...

打到10點幾，熱死人，番屋企...

沖完涼之後睇陣報紙，跟住又要做hw啦，先搞掂咗黃生本週記，跟手再做中化嘅實用文，hea住作，搞到2個鐘先搞掂...

跟住都冇咩野做啦，就用下電腦咁啦...

聽日出佐敦補bio...睇下simon chiang又教成點先...