本來又約咗今朝要打波，點知7點幾起身果陣發覺地下好濕，於是又唔駛打啦...繼續瞓覺...

瞓到9點幾起身，落樓下食野，之後上番黎睇奧運...

睇完游水就到奧運男團決賽，上次中國響呢個項目輸咗，今次終於嬴番...計埋d舉重之類嘅金牌，中國有13面金牌啦...

下晝出咗去打波，熱到kai呀...老明唔知帶左個咩狗屎垃圾人黎打，條友超煩，我超想一拳打爆佢個頭，雖然我現實中冇咁做，但係響我心入面我已經做咗啦...XD...

番到屋企啱啱好睇唔到中國vs西班牙嘅奧運男籃...不過中國又係輸咗，又係實力問題...

夜晚就睇美國vs安哥拉嘅奧運男籃，又係大炒...

因為qooza俾人hack咗，搞到我好多日都入唔到，冇打日記好耐...唉

打番今日先，前果幾日果d我違d先補打番...

今日8點幾自動醒，跟住開電視睇下，有馬術睇，睇咗陣，悶到痴線...之後有游水睇，好睇好多，中國男子終於嬴到一面獎牌啦，雖然係銀牌，但係都算係零的突破啦...之後出咗大埔中心食早餐...

食完番番屋企，之後又睇奧運，有女仔體操睇，中國有人失手跌落地下...好彩都冇咩影響...之後睇左一陣跳水就出門口...

去到大中等埋方深舟就搭E41去機場，此行係為咗送fefe機...架野響機場行迴旋處果陣果下G力真係好係野，捉住扶手都就黎「西」出去...去到機場先至4:30...仲有好多時間...咁就周圍行下先...

去到5點幾就行番過去離境果層，我地一直都見唔到fefe，點知就俾佢見到我地，哈哈...祝你一路順風啦，過到去記得msn搵我呀!!

跟住就去番2號客運大樓果邊食野，去食burger king，呢間野真係好掂!!

食完野落去搭E41番大埔，黎架MX5343，正啦，終於俾我住中架正野啦...

番到大埔都差唔多8點，番到屋企樓下見到呀爸...><"

頭先睇美國vs中國嘅奧運籃球，都幾好睇，美國嬴101-70...Good!