今日又係熱死人...

朝早落去食野，順便又睇下電視，美國又響游水果度拎多幾塊金牌...

番到屋企就睇女子個人全能決實，美國又包辦哂金銀牌，中國得銅牌..

睇完之後都差唔多夠鐘過去那打素，出門口行上去那打素，去到仲有5分鐘...換埋衫就開始啦，第一時間用張工作證去小賣部野度買野飲先，玉泉一出咗隻golden apple zero，其實係蘋果味汽水，都相當唔錯，500ml都係買$5.4，平過出面幾成...

又響果度呆咗3個鐘，5點走人...上咗canteen食咗d野再番屋企...

番到屋企睇咗陣舉重，中國有金牌啦...之後又要出門口去食飯...

食完飯去咗蹈香對面新開果間野食甜品，叫咗個提子刨冰，食唔哂...因為除咗冰之外仲有好多配料，飽到我死...

番到屋企都9點啦...又睇女排...中國又輸...頭先又睇網球，拿度險勝迪祖高域，打入決賽...

屋企個熱水爐經過今日下晝嘅例行檢查之後short咗...搞到要沖涷水...shit!

噚晚莫東海話今朝有波打，原來係要去太和，我本來都冇諗住去，因為冇人叫過我，但係佢話實有人唔黎，實有得打...我見今日都冇咩野做，咁就去啦...點知膠咗，去到果到超多人...所有人都黎齊哂!頂...俾人昆咗一鑊...於是坐bench坐咗成個幾鐘，頂!!!早知響屋企瞓覺好過...

之後踩咗部單車去海濱公園走咗轉，之後行大埔工業邨果邊走...成條路冇車行超正...

番到屋企都差唔多11點...

沖完涼就睇奧運，有男子體操個人全能決賽，正呀...楊威終於嬴咗啦...

之後見有時間又睇下form6果d書...

之後又睇中國vs安哥拉，中國終於都嬴番場波，姚明入咗成30分，冇計...安哥拉果d人太矮...唉...

頭先又睇咗美國vs希臘嘅奧運男籃同埋女子網球李娜vs大威...

聽日又要去做volunteer...