(補打)

今日係會考放榜嘅大日子呀...講真呀，其實都有a little bit nervous架...不過前果晚都瞓得幾好><"

8點鐘落樓食早餐，食食下見到胡走過...8點20分行去學校...

去到學校拎番本同學錄先，本野都唔錯呀，彩色印刷，內容都好豐富，響staff room出面同人吹下水，之後8點45就上去GP room，校長又響度講咗一大輪廢話，又話我地拎咗165個A，又有8個尖子，胡當然就係其中之一啦!之後話20分收得番，再宣佈有幾個19分嘅人都收番，我開始覺得我番梗黎原校...拎番張成績表，一睇，又會咁好彩20分，其實我預自己多2-3分，不過都算啦...

中文 5*5*535*-->5*

英文 3455-->4

phy chem bio maths-->C

amaths cit-->D

之後食家人去咗迎囍飲茶...

番到屋企又hea咗個下晝...

5點幾搭271去YMCA食buffet，質素係好過果陣謝師宴...但係只係$150/人!!!

番屋企果陣搭70...271冇位坐...

(補打)

今朝上咗那打素，交番張義工表格，最麻煩就係要有個防感染嘅test，好彩無驚無險之下啱哂...><"...個時間就下次通知我...

之後就搵方，因為約咗今日去書展...佢話佢打緊波，咁我就叫佢快d番屋企換衫，因為1點前買飛$10，之後J又跟埋黎...

搭火車出紅磡再轉103，1220落車行過去，響人龍之中左穿右插之下，驚險趕到...哈哈...

12點半入場，行到4點幾先走，行哂所有hall...買左本書...響果度食野真係有俾人洗劫嘅感覺...

行番出告士打道搭307，好多人等，黎架NA8906，好彩上到車，好耐冇搭過九巴307，部車其實都好正，番到大中先至35mins...

落車之後見到胡，佢響投注站出面等佢呀媽，之後就吹下水，吹吹下佢呀媽就過黎啦，之後就行番屋企，估唔到佢呀媽竟然知我個名，真係好奇怪...><""

番到屋企樓下響supermarket行咗陣就番屋企啦...