(補打)

今日約左方麥薛去踩車...

10點響大埔警署等方，話說佢買咗架新單車，$980...之後踩過去新城，因為d人約哂響果度等...

去到新城發覺未開門，之後麥黎咗，佢要整車...等埋薛，佢要租車...於是去明星果度果間，點知又未開，於是我同麥去大埔墟果度整車，方同薛去拎單車...

響大埔墟搞咗半粒鐘，之後就出得發啦...

今日真係熱到hihi，36度都有呀真係，由於薜部單車唔多掂，加上佢連波都唔識轉，就算佢部車係同我同型號唔同色都好，但係速度相差太遠啦...於是大拋佢...去到肥陳食下野先...

去到馬場對開，因為奧運關係，所以唔可以行馬場果邊果條路，要過對面踩濱景花園，薛又唔識路，又俾我地大拋，於是佢就行錯路，入咗石門...too bad，之後方去接番佢，咁我同麥就踩去新城市先...

泊好部單車就上去等佢地，行咗popular同埋商務，之後佢地黎埋就去美心MX食lunch，份量太少啦...

之後拎番部單車就踩番去大埔啦...今次索性少d等人，淨係響馬料水等過一次就番大埔啦，薛條電話繩捲咗入去個後碌齒輪果度...><""，好彩冇咩意外發生到...

番到屋企攰死...

講番噚日先...

朝早出門口去遊河...搭71A過埔火再轉港鐵過上水...去到上水11點，行過去上水廣場巴總，今次目標係70，本來係諗住搭EV5641，但係荔廠偏偏搵佢行5A，搞到緣慳一面，不過都有FY2679補飛，咁好彩俾我撞中李生揸，正!25mins走完上水粉嶺，5mins完大窩西(站站都有人上都咁快><)，16mins行完大埔，未上埔公響廣福見到HD461行271(伏筆)，上到埔公見到FZ7602，康紀強揸得唔多快喎，落中大6x，我地架車推住佢落斜，之後崇基唔駛停過埋佢，10mins完埔公落埋沙田，10mins走完沙田，22mins到佐匯落車，全程88mins，架HD461響廣華醫院又見番，too slow...

之後入咗elements行下，因為真係好熱...有間叫ThreeSixty嘅supermarket，好似citysuper咁，不過仲高檔...><"

跟住搭63X，有短龍坐><"...條友都幾肯去，不過遺憾追唔到前面架59X，下次真係要搭下59X!!去到屯市落都係1hr多少少...去7-11補給下，之後等66...

黎架FU7371，又搭唔中荔廠，可惡!照上，條友過70就開始收，冇癮!去到眾安街落車

搭73X番大埔，又係HS7496，真係同呢部車好有緣...

番到大埔0410...

講番今日，下晝出咗去執番正架單車，因為冇踩1-2年...又洗咗成舊水...響大埔墟番屋企果陣見到個天勁黑，又勁大風，又行雷閃電，可能都差唔多係時候要落雨，即刻飛車番屋企，番到屋企冇耐就真係落雨...好彩><"

呢幾日大埔都真係熱到hihi，成35度，真係熱到kai...

聽日唔知仲踩唔踩到單車，可能會落雨...