今日返工返早...
因為落雨既關係...而且屋企又冇野食..
所以我就冇食野返去開工...
唉~..都預左要捱肚餓架喇...
到左2點鐘...阿實返左黎...我就叫阿保同佢講話我食飯喇...
因為今日真係好肚餓...所以決定打"西芹雞柳飯"~~..哈.
2點05分..小堅上黎頂我食飯.~..
唉..佢都未食炸...真係有d唔好意思...
所以就諗住快d食完接返佢...落到樓下...
係外場行左兩圈先入去食飯...
點知佢話無飯wo...叫我等下先...咁冇辦法唯有等下囉...
點知行返出黎...阿實就問我:"食完喇?"..
我就話未呀...佢話d飯未得wo...~
點知佢就好大聲咁話:"無飯米求奇整住d野食先囉,打飯就一定要食飯架咩?.."
係我隔離既阿秀..都嚇到即刻走返入去廚房...
戈一剎那我真係好火....乜野叫做"求奇整住d野食先"?...我係人黎架...
再者冇飯好似唔係我錯囉...我有幾何叫飯食?
要咁樣講野咩...?
後尾入到去生哥就好無奈咁話...佢連西芹都未切....
最後我只係裝左一兜白飯自個兒係度食...乜餸都冇要....只係白飯...
我唔係怪生哥....廚房得佢一個人....忙唔切都冇乜所謂...
我係好唔鐘意阿實講既野....
後尾阿鴻接我收工..我同佢講呢件事...佢話..其實西芹雞柳飯好難整....
我想講...一黎問題唔係出係呢度...二黎既然饍食表有呢樣野...
人地叫到....難整都要整架啦...唉...今日真係好火....



 

雖然說人都是"偏心"的...但也請別挑戰我的極限....請別讓我討厭你....