發覺有左fb呢樣野之後
xanga,qooza呢d好似沒落左咁...
對上戈次係呢度打日誌已經差唔多係半年前...= =..

其實...係我無心機打...
襯今日有心機...一次過打埋佢..
因為下一次都唔知係幾時..haha...

關於校園生活....踏入大學第4年...亦係最後1年...
生活依然無咩大變化...
不過同大學既同學互動多左...
由同學昇華做朋友...
因為係大學能夠搵到真正既友誼真係好難得...
我會好好珍惜...

巖巖過左22歲生日..
感謝所有給我祝福既人...多謝.....
感謝家裕&維維..送左樣好得意既禮物比我~..
感謝賣魚...送左樣好實際既禮物比我~...
感謝阿姍,阿朱同鳳姐~..同我慶祝生日~~.
感謝詩詩...佢將我地識左咁耐既經歷點滴用相既形式送比我...
真係一份好有意義既禮物....好感動~....多謝你....
感謝抽空同我去食飯既朋友...
萬分感謝...

我無係fb度顯示我生日...今年已經係第2年lu...
到最後正日fb上得到既祝福留言...有3個...
都好了...舊年2個...今年3個....
有人同我講...話我無顯示所以唔記得或者唔知...
唔知...還可以講得過去...
唔記得........
除非同佢本人唔熟..或者無其他聯絡既方法之外....
我係度諗...如果只係因為fb上顯示生日而令你用5秒既時間打句"生日快樂"or"happy birthday"..
有何意義???
今年真可笑...係公司除左兩位上司之外...
無其他人記得我生日...
雖然一早就預料到...不過心情依然會有打擊....
睇黎我d存在感真係幾差...
一年一次且僅只一次...
雖然話由此判斷某d野係有d主觀同武斷...
不過每個人就係為自己而活...
當然以自己既意思去處事...
戈d唔記得既人...我唔會對你點...亦唔可能話可以對你點...
不過...我會記得....

愛情方面依然一片空白....平時都係閒人開...
想但唔會強求...
一切隨緣....

至於朋友...我自問對人既態度,心態都無太大變化...
有d人親近了..有d人生疏了...
不過我非常清楚...自己想要既係"茶"而唔係"可樂"...
我亦好想將我識得既人由"可樂"變為"茶"...
可惜有d人始終係"朽木不可雕"...
"聰明既人喜歡猜心,也許每次都猜對了,卻失去了自己既心"
可惜無人知道...
猜心是因為對自己沒信心...
一開始只能用"猜心"既方法討好對方...
到對方了解到自己既真誠...
才可以由"猜心"轉為"給心"..
究竟"你給既心"係輕於鴻毛定重於泰山呢?
都係未知之數...
友情真係好奇妙...
有d人你可能從未見過...卻可以好輕鬆咁同佢暢談好多野...
對佢非常之信任...
有d人可能幾乎日日都見...卻每次見面都尷尬到唔知點咁...
永遠都有距離...
有d人同你講佢信任你...但就係你有事打比佢戈陣cut你線原因係佢電話費唔多...
連基本1,2分鐘既電話費都唔值...邊到談得上信任?
有d人可能平時嘻嘻哈哈無厘頭,..但係你需要既時候會正經八面...
單單正經就已經夠令人感動了...
不過點都好...起碼我已經努力過..進取過...就夠了...
人生最難既難關就係與人打交道...
亦係一門需要終身學習既學科...
只有不斷經歷才知道將來...

一直以黎我對唔熟或者唔識既人都好冷漠...
冷得有點冷血...
不過無辦法...性格係咁...
那一天你選擇離開我既世界...就唔好怪我冷血....

就快又考私家車...
我絕對唔可以再令人失望....!!
加油!.!

呼...打完日記真係舒服好多~~..
夜了....大家晚安..