2007 年 1 月 12 日  星期五   　　　　　　　　　　　

好奇怪,,真係好奇怪。

好奇怪既感覺;;好奇怪既心情。

最近對電腦,,對玩好似已經失去興趣。

這個星期丫,,晚晚都唔夠訓,,禮拜初,,仲要每日最多訓得5個鐘...

簡直覺得自己好似痴左線,,我唔適合夜訓呀。

今朝返到學校,,個個都問我係唔係有病,,話我個樣好病,,

其實我唔介意你地直接d,,可以話我好殘,,反正我有自知之明。

上maths堂...昏昏欲睡,,又唔敢訓...完全聽唔明佢教緊d咩...好奇怪。

我知道要專心上堂...但都唔夠精神...自從調左位之後我已經專心左啦!

今日放學團契,,盛況空前,,從來冇見過咁多人黎團契啦...

身為團契職員既我都感到好欣慰...多謝大家都咁努力呀!

今日既團契都冇之前咁悶。相信Miss阿Sir都好用心準備^______^

團契後同WINGKI去BAND房試音,,原來唱歌都有咁多學問!

我會努力學習,,多謝,,我可以去實習啦..實在教人興奮。(其實冇好興奮)

　　　　　　　　　　　　　2007 年 1 月 10 日  星期三   　　　　　　　　　　　

岩岩放學陪家瑩等AA,,跟住傾左一段時間偈。

好開心!因為家瑩話未聽過我以前既事,,我亦好幸會有咁既機會同佢一齊傾偈。

而且我又聽左好多佢既事,,感覺又係好舒服,,傾到唔捨得走。

冇錯,,小時候...人真係好傻,,

但係細個咩都唔會諗咁多,,反而愈大,,就愈更加傻。

醒起琴日小華問我想要邊3個願望...哈...

最後一個願望,,係希望只要上帝願意,,我就會跟佢走。

本來第一個已經打算講,,但唔知點解偏偏放到最後先講。

點解俾3個願望我,,但係又要攞走我3樣野呢?

阿拉丁個神燈都冇咁奸仔丫!

要諗自己願意用咩黎換個願望,,其實好自私,,我咩都唔想用黎換。

我好想得到某樣野,,但係我自己又唔肯付出...自私啦、想不勞而獲啦。

人真係幾奸狡ga,,同埋你唔會知道喱一刻同你講緊野個人係唔係真正既佢。

包括我自己都覺得自己好假。其實幾時先係真正既我,,我都唔知。

　　　　　　　　　　　　　2007 年 1 月 8 日  星期一   　　　　　　　　　　　

今日冇返學校,,琴晚趕功課,,做完之後一直訓唔著...

做完咁大堆功課之後,,命都好似短幾年。

成晚冇訓過,,今朝好頭痛...所以冇返學,,其實都唔想返。

嫲嫲今日就比姑姐同媽咪帶左去老人院...琴晚姑姐黎左過夜。

突然起身唔見嫲嫲...今日佢最後同我講野係我準備返房大覺訓既時候。

佢最後同我講既係「早晨」。唔見左佢,,間屋好似好空曠。

我唔捨得佢走...老人院一d都唔好玩...佢捱唔捱得住?

果度,,冇我地照顧佢...好擔心。

唔想佢好似爺爺咁,,住完老人院之後就入院...

好怕今日係最後一次見面。

真係好奇怪。

　　　　　　　　　　　　　2007 年 1 月 5 日  星期五   　　　　　　　　　　　

今朝早會唔知邊個手提響,,真係好想打死佢!

攪到4D 4E兩班食風食左咁耐,,凍到我病發。

真係無奈爆,,企左勁耐都只為俾人check書包。4D仲好笑,,

未到佢地既時候,,拎晒d零食出黎...我淨係見到佢地將d食物拋黎拋去。

我心諗:洗唔洗咁呀?

跟住1堆電話放左喺講台,,仲有,,與學習無關既物品都係。

真係多得佢地,,俾我流鼻水流得咁開心。^_______^+

多謝+晞俾我既海豚丫。雖然又係冇乜用,,不過都係你去上海用心買返黎既手信丫。

今日PE堂,,我又做左路人甲,,又做左籃球明星,,又做左廣告明星,,

可惜既係....沒有酬勞,,哈。

多謝阿婆做左我既籃球教練,,同你1齊真係好開心。

嗯...lunch...唔中意變態既情緒愈黎愈強烈囉!

D男仔真係好乞人憎,,點解喱個世界上d男仔都咁不知所謂?

我真係想成世做老姑婆囉,,同d朋友1齊仲好過。

團契...上帝...嗯...努力。

放學,,同1堆人為左lunch既約定特登1齊出M記食野。=U=

要家瑩同1舊鹽等左我成個半鐘,,真係唔好意思。

食野既時候,,唔敢認佢地係朋友,,同1枱既都好痴呆。在M記大叫,,好恐怖。

多比係我最喜愛既男演員!哈哈...笑死,,又要講聲唔好意思,,我唔係故意既。^vvvv^

阿婆阿婆,,同你傾計都好舒服,,平時既我都只不過係為左掩飾真正既自己而出現。

希望你懂得分辨真正既我。我真係唔想再俾人覺得我似小朋友。

因為我的確唔係,,F.4要學會成熟,,但自問,,真正既我,,1d都唔幼稚,,

只不過係,,你有幾可可以見到咁成熟既我?

　　　　　　　　　　　　　2007 年 1 月 4 日  星期四   　　　　　　　　　　　

由lunch開始躁到放學。心情好差好差。

明明琴日已經早左訓,,都唔知做乜今日咁眼訓。

多謝曉晴俾我份wawa,,我係唔會擺佢出黎既,,因為真係好恐怖。

好唔想返學,,我想繼續放。

　　　　　　　　　　　　　2007 年 1 月 1 日  星期一   　　　　　　　　　　　

最親既人永遠都係傷得自己最深既人。

我都唔想,,但係喱句說話又再1次被我深深經歷。

我想喊,,但係唔開心永遠都喊唔走,,喊唔完。

所以我真係好想走!

我好想自己可以自私d,,唔好諗咁多,,

咩都唔理,,拋棄晒所有既事,,自己1個人走。

　　　　　　　　　　　　　2006 年 12 月 30 日  星期六   　　　　　　　　　　　

好驚聽日媽咪唔知會點對我...但係我1定要出去。

又係好攰既時候...上帝...我唔知呀...好奇怪。

不過,,我1定唔會再就咁拋下祢!

丫...林惠軍,,對唔住...你唔好唔開心,,因為我都好唔開心。

　　　　　　　　　　　　　2006 年 12 月 29 日  星期五   　　　　　　　　　　　

快要進入瘋狂狀態。

出面有班o靚仔好嘈,,本來已經心煩,,佢地仲要係咁嘈,,好想打佢地囉。

點算呀上帝,,好似仲有好多野未做,,我都唔知點算呀!

今日敬拜讚美...嗯...很好...眼見組員都有成長,,感恩。

其實要做既都做晒,,唔知仲有d咩可以俾到佢地。

好似好耐未試過覺得咁煩咁多野做啦...但係真係好想咩都唔理。

對眼好攰,,個頭依然好暈。點算呀...未打晒電話。

點算呀...仲未食完晚餐。點算呀...仲有好多野未做...我可以點算?

　　　　　　　　　　　　　2006 年 12 月 28 日  星期四   　　　　　　　　　　　

好頭暈...今日已經係病左之後既第6日啦...

唉,,好痛苦。

　　　　　　　　　　　　　2006 年 12 月 27 日  星期三   　　　　　　　　　　　

琴晚4點先訓...今朝先知原來媽咪12點幾就返左屋企...

我仲擔心左咁耐...而家部腦有好多網都上唔到,,MSN又on唔到。