2007 年 3 月 6 日  星期二   　　　　　　　　　　　

今日補完世史返到屋企,,凍到想喊-      -!

但奇怪地覺得今日過得唔錯。

不過有事,,我會選擇逃避。

　　　　　　　　　　　　　2007 年 3 月 2 日  星期五   　　　　　　　　　　　

專題研習週,,非常無聊...好就好在有得早放...

今朝返到去佢話要check書包,,好在我冇拎漫畫,,感謝主。

又背poems...背背背...今日又俾多首歌我地,,唔好玩。

張穎琳,,記得我係講街市,,唔係kai子  -        -

係你聽錯咋,,唔好再笑我=v=

聽日終於都有得返我親愛既教會,,真好!

　　　　　　　　　　　　　2007 年 2 月 25 日  星期日   　　　　　　　　　　　

勸大家千萬唔好飲酒

我酒量唔好,,飲1,2啖都會醉=_____=!

雖然飲左酒,,真係發生咩事都唔知,,但係呢,,就會好辛苦

又頭痛、頭暈、想嘔,,超辛苦。

岩岩都嘔完,,不過好似係因為我凍親...我唔想返學呀。

我想休息多幾日,,而家仲係大陸喎...最後1日,,功課都仲未做完。

暈呀暈...救命...好掛住你地所有人,,仲有我親愛既教會。

　　　　　　　　　　　　　2007 年 2 月 15 日  星期四   　　　　　　　　　　　

今日係我第一次去海洋公園,,同佢地一齊去玩,,真係好開心。

有家姊、阿婆、梁家晞、何翠怡、同梁蒨怡一齊去玩。

原來d機動遊戲都唔係太恐怖,,

唯獨是個摩天輪好恐怖="=  真係驚ga我,,唔係講笑。

仲有個纜車都好恐怖,,佢地仲要話我咁都恐怖...搖呀搖=    =

不過個鯊魚館都幾好玩,,但係佢地話我成個小朋友咁,,好得意...

咁我好奇嘛!都係第一次咋,,唔可以嘲笑我>n<"

之後又去海洋館,,d魚仔都曾經見過,,但係下面d大魚真係好醜,,

梁家晞話:「點解你條條魚都話佢地死樣衰ga?」咁佢地真係樣衰嘛:)

仲有水母館!超好玩,,超好笑,,裡面係一個迷失既世界,,

連你隔離果個是誰都唔知道,,原來係自己=v=

d水母又好好玩,,哈,,喱絲怪。

個動感影院都唔錯玩,,可惜既係我冇得玩旋轉木馬...

因為夠鐘關門,,但係都玩得好開心啦,,話晒第一次嘛。

去完沙田食野,,喺火車上面見到個靚女...哈哈...訓覺,,

我諗大概我地幾個見到既人先知佢有幾靚XD

返到屋企已經超攰超攰嚕。

　　　　　　　　　　　　　2007 年 2 月 7 日  星期三   　　　　　　　　　　　

哈哈,,唔知點算好。

今朝返學見到地下一灘紅色既──茄汁 ,,好嘔心。

聽日係最後一日返學,,唔多想咁快放假...因為放左假我會悶死。

我唔可以日日見到阿婆、家瑩、家晞同家姊,,冇得同佢地大笑...唉

哈哈,,真係好煩惱...但我會好好收埋。

點算...! ?因為我真係變左...但係我竟然唔多想。

我寧願自己做返個唔正常既人都好過而家咁,,咁鬼煩。

哎ya...點解會咁ga?

　　　　　　　　　　　　　2007 年 2 月 6 日  星期二   　　　　　　　　　　　

　　　　　　　　　　　　　2007 年 2 月 6 日  星期二   　　　　　　　　　　　

 好了。

　　　　　　　　　　　　　2007 年 1 月 19 日  星期五   　　　　　　　　　　　

好難過，好難受。

今日係今個月最開心，亦係最唔開心既一日。

好耐冇試過ｄ眼淚好似豆咁大而不受控制地流啦，真係好耐。

但係每一次都係因為「你地」。

單係一個晚上就俾我喊三次，真係好夠。

本來都以為自己夠假，但估唔到你地更虛偽！

以為你地好心關心我，點知原來一切都係幻覺，都替自己既一絲安慰而感到可笑。

我喊並唔係因為我唔想返去，而係你地既說話好似一把把利刃刺入我心裡面，

有幾痛，你地冇可能會理解。

你地再壓迫我，睇下我仲有幾耐命。

夠啦，我係唔會再討好你地，唔會再理你地點睇我，我唔會再聽你地講，

唔中意未打我，鬧我囉，反正你地不嬲都中意咁做ga啦。

太可惜哩個世界太過真實，我唔可能當咩事都冇發生過，

就係因為你地，我個心先會被撕裂得咁殘破不堪。

我可以講既只有多謝你地生我、養我，

有機會我一定會走，唔會再打擾你地。

上帝，對唔住。

我哩刻實在冇辦法堅強落去。

　　　　　　　　　　　　　2007 年 1 月 14 日  星期日   　　　　　　　　　　　

今日一早起身趕去上如何禱告,,成枱都係靈風,,

雖然自己都係靈風,,但係感覺好奇怪...有d融入唔到既感覺。

上堂既時候,,其實我好唔專心...好空洞。

ANI坐我隔離,,突然問我,,點解得我一個小朋友喺度...我即刻答:「我唔係小朋友──」

仲問我咩家族d人去晒邊...?佢講完,,心情更覺難受。

得我一個小朋友...!?有點排外既感覺。

況且,,最近我唔喜歡人地話我似小朋友,,因為我真係唔係。

自從離開左肥豬之後,,我覺得好似同d肥豬關係疏離左...我一直都唔希望係咁。

崇拜...係呀,,我又喊啦...哈哈

開始既時候我同莊K講野..好掛住佢呀!

我話我琴日帶組唔開心,,俾ANI聽到,,佢就問我:「咁你幾時會開心ga?」

話次次見到我都好似唔開心咁既...係...你既不幸。

不過都多謝你既關心!我明白ga啦。

完左既時候阿ROY話祝我今年開心d喎,,佢話次次崇拜都見到我喊。

我係好少喊,,但係每次面對上帝既時候...我就忍唔到。

所以教會係我喊得最多既地方,,我冇咩時候可以俾我喊ga啦。

其實成個星期都好開心,,只係星期六唔開心,,我崇拜就自然唔開心。

唔好以為我經常都咁唔開心...

我係一個易笑易喊既人,,開心唔開心都可以放喺心裡面好耐。

所以只要我開心就會唔記得唔開心ga啦!嘿嘿

　　　　　　　　　　　　　2007 年 1 月 13 日  星期六   　　　　　　　　　　　

 好唔開心。.