2007 年 3 月 29 日  星期四   　　　　　　　　　　　

今天換夏季了,,有種一身鬆既感覺。

仲有,,覺得自己青春左不少阿,,呵呵 -v-

早會盈姐過黎CHECK我裙,,幾驚唔及膝>__<"

今日有做個乖孩子,,努力咁做老師用心準備既1大堆「好貨」(P.S. IS功課LA)

第2個小息去交收返黎既功課落MISS的簿架,,一時大意就刮損了手背。

佢地個櫃IS用啥么做的阿?初時以為刮到層皮,,冇事的...怎料開始流起血來=0=、

好像是小事,,但係我貼左塊靚靚的膠布上去。比較好看。

LUNCH,,食炒麵,,初時覺得好難食,,但係後來愈食愈覺得好味,,真奇怪^____^?

伴家瑩聊了大半既LUNCH,,對阿對阿,,怎麼我們總要經歷如此多的低谷呢?

但係,,有了上帝就不一樣,,因為我地都已經長大了阿。

不要怕,,依靠上帝就非常OK啦>U<

　　　　　　　　　　　　　2007 年 3 月 26 日  星期一   　　　　　　　　　　　

今日好似冇乜點上過堂咁,,頭2堂中英,,好彩...

冇俾MISS FONG發現我冇GB,,鬆了一大口氣,,但係我係有做GA。

跟住2堂週會,,我地LA終於要上台唱歌同背詩啦-         -

點解我要企中間?點解支咪要對住我?樣衰到死。

FORM 5不在,,個禮堂有點兒空。

跟住2堂中史,,MIZ冇返。自由活動-v-

借了MANCHUI的什麼什麼睇,,關於小豬的。很好笑

咁就又過左2堂。LAST 2堂都是默書堂,,THEN又放學。

同KAYING & NGAIN去了粉嶺名都,,本來打算買白色CONVERSE的...

可惜沒有適合我的號碼...2 BIG啦。腳細都冇著數既 / n \

跟住就搭273返黎,,俾我發現左D野-0-

個BUS DRIVER可能同我有D緣份!?

佢個名叫劉偉興,,英文LAU WAI HING 職業號碼:60247? 0x0

好想同佢打聲招呼,,我都係LAU WAI HING呀。^______^

唔知點解心裡面有種莫明既感動,,哈。

返到樓下,,有個高過我既女仔,,行過我隔離,,好似鄙視左我1眼-n-

高過我都唔洗咁呀?-33-   雖然我都有D羨慕你...

入左LIFT同個阿嬸&阿叔一齊,,個阿嬸同個阿叔講野超大聲=        =

有D快聾既感覺...想同佢講,,麻煩你細聲D啦,,就聾啦真係。

　　　　　　　　　　　　　2007 年 3 月 23 日  星期五   　　　　　　　　　　　

好開心,,好感動,,因為我世史合格左!

全班有6個人唔合格,,我好驚自己有份....

仲擔心到可能自己唔合格會喊,,但係收到份卷覺得自己開心到想喊。

仲有地理!原來我50分呀...!地圖閱讀冇晒32分都俾我拎到50分...好感謝上帝。

放學陪家瑩睇合球,,好中意我地2個單獨既時刻。

臨走既時候都要俾我食個波餅,,雖然冇事,,但係D人打波都頗危險。

　　　　　　　　　　　　　2007 年 3 月 22 日  星期四   　　　　　　　　　　　

聽到GEOG MISS話PASS NUMBER既時候,,竟然聽到13號...

有點兒不可置信!冇了30分都仲可以合格- O -?

真係要大大感謝主*>口<*

LUNCH既時候姚子康踩我隻腳=___=  唔知佢係唔係特登。

我又同佢冇仇冇怨,,點解要踩到我咁鬼痛? 都頗為不爽。

放學,,家瑩飲水時,,邱雯翠講起D好笑野,,家瑩噴水落佢塊面度,,好笑-v-

証明左大家飲水時千萬勿講笑,,否則後果自負。

　　　　　　　　　　　　　2007 年 3 月 21 日  星期三   　　　　　　　　　　　

I PASS ALL THE PAPER WHICH I  RECEIVE TODAY.

LUCKY.

　　　　　　　　　　　　　2007 年 3 月 20 日  星期二   　　　　　　　　　　　

終於咩都KO晒了,,真好。

今日綜合能力以為有好多時間,,慢慢做...點知最後未寫晒我寫既野...

世史好彩冇出新中國...但係題20分ESSAY竟然問毛澤東推動現代化既努力?

我淨係知佢攪到中國好不知所謂咋喎...跟住寫左土改等等既成效=        =

如果合格就好,,我唔想復活節冇假放,,要返學校溫書/___\

岩岩同牙妍、家瑩、阿琳-v- 一齊去桃園島食LUNCH

點解次次食野我地個個都咁唔正常GA!?

但係今次個LUNCH真係食得好辛苦!笑到我肚痛。

成碗麵食左1半都冇,,笑到食唔落...

唉,,果然凱使神兵既朋友們都唔係一群正常既人。

　　　　　　　　　　　　　2007 年 3 月 19 日  星期一   　　　　　　　　　　　

由琴日開始就好似病病地。

琴日冇得去街佈,,見唔到靈風區員...但好彩冇出去。

因為由昨日中午開始就頭暈頭痛,,還嘔了。

辛苦到極點,,書都溫唔到,,所以話,,

今日我都係抱住必死既決心去考MATHS同中史。

又以為今日會有祈禱會,,淋住微微雨我都特登走過去睇下有冇人...

我今朝考MATHS既時候,,辛苦到想舉手話唔考...

溫都冇溫過,,公式?唔識。點計?都唔識。

跟住唔洗講,,一定係死得。跟住就去考SBA SPEAKING.

明明PREPARE左好耐,,但係考既時候始終都係一片空白。

LUNCH就食粥,,食左幾啖都冇乜胃口食,,見到D黑椒牛扒都想嘔。

完全係呆滯,,書都唔入腦。我真係覺得自己魂不附體。

溫緊第4題問題可以睇左去第6題既答案。-_____-

絕對係妙,,人地都話我係病到傻左。哈,,連咩病都唔知。係唔係病都唔知。

難受到覺得自己隨時都會暈低,,THEN,,死亡。唔係誇張。

考緊中史既時候,,我不知幾渴望考考下真係暈低,,唔洗考。

從來未試過QUIZ/EXAM會咁辛苦,,雖然而家好左好多,,

但係唔舒服既時候,,簡直想死。聽日考世史,,希望冇事發生。

　　　　　　　　　　　　　2007 年 3 月 15 日  星期四   　　　　　　　　　　　

上帝...我今天死了。

我唔甘心既係拎左個headphone出黎又冇放入袋!>"<

仲要俾全世界知道我冇帶,,好樣衰...

ENG L.都尚算OK啦,,不過點都要俾人扣分...唉。

GEOG?死了。

一開始打算順序做左MAP SKILL D題目先,,

點知搵極都搵唔到咩西營盤社區綜合大樓!

仲有都唔知邊個係博物館...醒起MISS話唔識跳左做後面先,,

咁我就好乖咁做左乙部先...誰不知。

「考試時間尚餘5分鐘。」5分鐘...5分鐘呀...!

又要我計比例、畫橫切面圖、坡度etc.

5分鐘,,我畫到個圖都算係咁啦...第1版已經冇左8分,,

後面仲有成版未做喎...哈。

MAP SKILL佔32分,,閒閒地都冇左30分。

後做得好就話啫...後面又唔係做得特別好,,

今次GEOG合格都應該偷笑 -       -

完全唔敢想像MISS睇到前面空晒會點...

如果佢俾多15MINS俾我都好丫,,5分鐘都好丫...

邊夠時間做ga啫?

唔諗啦,,唔死都死左,,唯有聽日文學努力啦。

　　　　　　　　　　　　　2007 年 3 月 10 日  星期六   　　　　　　　　　　　

好開心丫,,牙妍主動話想返教會,,又帶左佢返黎,,

雖然唔知佢對我地教會既感覺係點,,但係我希望既就係佢快d忘記唔開心既事。

同佢一齊食飯,,傾左好多野,,我攪盡腦汁好辛苦先諗到野講。

但係好多謝佢咁相信我,,將d事都話我知。

但以理,,我喊了...並唔係因為最近既生活唔好,,

唔係經歷緊低潮,,而係...我為左佢...

雖然佢平時好堅強,,但係諗返起我問佢係唔係好唔開心,,

佢面無表情既點頭既時候,,就覺得好難過。

我好感謝主雖然俾佢經歷喱一切既事,,但係佢記起祢。AMAN。

但以理崇拜見到好多朋友好開心,,見到好耐冇見既魚魚,,冬兒,,debby  etc.

完左崇拜去左同4姐出沙田食野,,初時逛左好耐都揀唔到餐廳食,,

跟住食左築地d專業八爪魚丸,,唔錯。

行完大眾再去揀揀揀,,最後揀左咩strawberry xxxx?

今日食完冇滿足既感覺,,但係其實好開心。

　　　　　　　　　　　　　2007 年 3 月 8 日  星期四   　　　　　　　　　　　

今日聽到話有2個女仔撞鬼...雖然我係基督徒,,但係都好驚..而家好d,,冇咁驚,,

都係因為世史不停催眠,,令我冇咁驚咋。但係我地班又要有好多人講鬼故-       -!

琴日同4姐傾電話,,提起我既擇偶條件...哈哈,,後來變左我既妄想情人...

1.要ok高

2.要有安全感

3.唔可以好樣衰

4.屋企有d錢,,唔好好窮

5.哈哈,,重點→要冬暖夏涼!解釋下先,,冬天佢會好似暖爐咁發熱,,冷衫都唔洗著;夏天就好似冷氣機,,好涼爽既!

6.有軟棉棉既氣息

7.另一個重點→識整晒全世界既美食,,日日食唔同國家既菜。

8.抵得諗,,肯做晒全部家務

9.唔可以係一個出名既人

10.讀書好叻既                  etc.

歡迎有晒以上條件既人黎搵我-v-

雖然我唔相信喱個世界有個咁既人存在。

最近好努力讀書,,真係好乖,,記憶力又變強左,,都多得世史!

終於過返d乖乖女既生活啦。感謝主,,咁保守我。