2007 年 4 月 17 日  星期二   　　　　　　　　　　　

琴晚訓左6個鐘。仲要未溫得晒D書...

今朝發緊夢俾細佬嗌醒左,,但係1D返學既意欲都冇,,

心裡仲諗:做乜咁早叫醒我?我未訓夠.... -          -

今日又係咩住個好重好重既書包返學,,仲要邊行邊溫...

早會講咩尊重之星...其實想講,,好無聊,,浪費人力物力去選舉?

嗯...不過MISS CHU講得好岩,,雖然唔想承認自己自私...每一個人都咁自私。

小息又係忙碌既時候...

LA堂,,唔淨只1個變態,,有2個變態。好討厭佢地,,好心佢地啦,,唔係外地人,,

唔識禮貌就可以隨便舉中指GA,,你地都係導師黎GA喎,,成個痴線佬咁。

拜託,,實在唔想上佢地既堂。

LUNCH,,俾人係咁畫手,,心情好差。

你都唔尊重我,,叫我點尊重你?

雖然我個樣好恰,,但唔代表我唔會嬲家嘛,,唔好逼我發火呀真係。

除左係屋企,,好少係其他人面前發火(好似未試過。)

然後每當見到某個人,,心情就莫名其妙地差起來。

好想佢知道我嬲佢,,實在頂唔順。唔洗擔心,,唔係你。

好攰好攰,,英文堂WRITING WRITE到好眼訓...

精神不足,,果然唔係幾好。好想俾幾日我沉睡下。

放學...好難過地又見到佢。

完了,,我大概需要好好休息,,唔夠訓心情果然特別容易差。

好可惜...聽日大把野做,,唔可以訓...唉。

一返學就日日都咁多功課。

都係時候去睇本文學作品啦/_____\。

　　　　　　　　　　　　　2007 年 4 月 13 日  星期五   　　　　　　　　　　　

琴日返左學校,,唔見我的朋友...

喂,,團契職員死晒-        -?

遺下我自己一個,,仲要比人笑我著便服...

我冇著錯,,笑我做乜,,我倒覺得你地比我更好笑,,以為我返去補課。

真係當我傻仔?補課我自然會著校服返去ga啦,,激死我。

之後先陸續見到著便服既人們。

仲見到MONNA!我既救星,,當時身子弱,,已經快要痛到死亡。

多謝你呀,,俾幫我去拎水!可能真係果杯水救左我一命。真感謝你。

本來以為琴日返去會好悶,,幸好..原來係教我地講漢堡包見證。

仲有係有得食包添,,原來之前栽培個漢堡包見證冇教得咁詳細。

琴日終於學到野,,原來要揀TOPIC,,仲要中間D餡係要同包面同包底有關係,,點解會有改變,,

真好,,明白到點解MISS話冇關係會令人地不明不白。

玩下遊戲,,唱下詩,,諗下、寫下、講下見證就捱到6點。

乜我真係肥左咩?有點兒擔心...喱個假都真係食左好多野...點算...?

　　　　　　　　　　　　　2007 年 4 月 10 日  星期二   　　　　　　　　　　　

明白了,,其實好多人都好愛我、好錫我。

只係我成日都胡思亂想...

很好。

感謝主,,讓我認識到咁多愛我既人。

幸而我係祢既女兒。

其實正常時間,,我的確係一個好開朗既小朋友,,HA

　　　　　　　　　　　　　2007 年 4 月 9 日  星期一   　　　　　　　　　　　

WINGLAM : HAPPY BIRTHDAY♥

願係新既1年,,主會更保守你,,渡過每個難關。

主亦會1直不變地愛著你。努力。

多謝你平時咁錫我。

I ♥ U 2.

可惜昨日冇得同你一齊出去玩。

SORRY.

知道你今日應該將會玩得好開心。

呵呵...下次要叫埋我喎。

　　　　　　　　　　　　　2007 年 4 月 7 日  星期六   　　　　　　　　　　　

點解我既開心好似過眼雲煙?

點解我努力都冇補於事?而且會更難過?

我唔想。唔想自己咁。

雖然我有上帝,,但係我所面對既一切已經唔知可以點面對。

　　　　　　　　　　　　　2007 年 4 月 6 日  星期五   　　　　　　　　　　　

昨日始終都決定左同AA佢地去踩冰,,這是我第一次去玩。

經這日既踩冰,,覺得喱項運動好好玩。

而且靠MONNA,,我第1次玩就學識了,,好開心。

踩冰,,好似要我重新學行咁,,雖然會遇到有挫折,,跌倒既時候。

但係..只要企返起身,,繼續行,,就好似前進左一大步。

好似SAKU話齋:「你唔跌倒過,,係唔會知跌倒有幾痛,,你就唔會識踩。」

好似都明白,,雖然只係跌過2次,,第1次唔痛,,第2次,,隻手好似內出血...哈。

玩完就去個美食廣場食野,,跟住佢地想去影貼紙相。

就去左MK,,呵呵,,好彩我識認路。

如果未去過,,我都唔識行。

同你地有個美好既回憶,,多謝你地。

　　　　　　　　　　　　　2007 年 4 月 2 日  星期一   　　　　　　　　　　　

昨晚12點訓,,校了鬧鐘5點起身做埋D MATHS.

誰不知,,鬧鐘響左都未訓到。

今日只訓了半個鐘!我唔夠訓既後果→心情差→脾氣差。

但係我今日既心情就好似個天咁。

初時仲好地地,,只係好躁,,但係跟住由躁變為沮喪。

今日係班同學面前喊左2次,,好醜。

最弊既係連自己做乜唔開心都唔知,,好不知所謂。

好對唔住,,要大家擔心,,這樣不是平常的我。

但今日,,冇真心地笑過,,講過既說話不夠20句。

真係好灰。仲有,,而家個樣好恐怖,,今日竟就咁頂住呢塊面見人。

唉...殘到,,可以去怕得鬼片啦。

放學陪阿冼去OK,,佢話想買雜誌,,我就去買野食,,

食野,,永遠係我最能夠平靜心寧既時候。

嗯,,我要去好好訓一覺。

　　　　　　　　　　　　　2007 年 4 月 1 日  星期日   　　　　　　　　　　　

今日好早醒左,,但逼自己訓到10點先起身。

起完身,,用左陣電腦就去換衫出街。

跟NGAIN一齊去行MK,,走呀走,,走到朗豪坊,,走呀走,,走到...嘉X中心。

再走呀走,,走到兆X中心影貼紙相。第1次影完貼紙相可以俾我畫咁耐,,哈。

走阿走,,走到旺中,,走到MISSHA,,走呀走呀走....

買野,,好攰好攰...走既時候,,搭東鐵到尖東有位坐返黎FL。

攰到郁唔到。攰到咩都諗唔到。

有個阿叔坐我隔離...依然好驚....!

我係咁移自己過NGAIN果邊,,個阿叔都好似知我驚左佢咁。

佢左邊個人一走,,佢就坐左過左邊...真係對唔住。

唔係特登怕男人。

係根本自動會有反應。

好攰阿~!一陣要沖個靚涼.,洗走晒D疲勞佢。

　　　　　　　　　　　　　2007 年 4 月 1 日  星期日   　　　　　　　　　　　

今早起來,,有種我已死去的感覺。

　　　　　　　　　　　　　2007 年 3 月 31 日  星期六   　　　　　　　　　　　

沒錯,,心情極差。

今日返DANIEL崇拜,,見到冬兒、魚魚、4姐ETC.

其實成場崇拜,,即佈道會,,心情都唔係咁好。

又有種脫節既感覺...

其實好想同冬兒講多D野,,想同佢講加油,,但係我唔想講野...對唔住呀...冬。

我好喜歡你GA係,,仲有魚魚,,多謝你。仲有4姐,,唔好擔心我啦...要你憂心。

DEBBY錫我,,是知道的,,丁丁喜歡我,,是知道的...杜杜、樂詩愛我,,關心我,,明白的。

呼呀...世間上既事,,的確好煩...好討厭。

上帝,,拜託你打救下我,,我已經再也受唔住刺激啦。