2007 年 10 月 23 日  星期二   　　　　　　　　　　　

說實在,,我很想關心你,,無他的
因我愛你
看見你所說的話,,使我10分心痛
我沒有勇氣..沒有勇氣關心你

　　　　　　　　　　　　　2007 年 10 月 20 日  星期六   　　　　　　　　　　　

對,,我在此告訴你
我愛你
最近總因你而使心裡難過,,
你說..是為什麼呢?
你也能告訴我,,你愛我嗎?

　　　　　　　　　　　　　2007 年 6 月 27 日  星期三   　　　　　　　　　　　

祝我親愛既掘掘生日快樂!

生日禮物遲d補上呀下。

哈　好耐冇打日記冇on MSN嚕,,擺脫左電腦。

因為考試,,冇掂1排啦!

唉~咁耐冇打過,,唔知打咩好,,有好多野喺心裡面唔知點講,,亦唔想拎出黎。

今日派卷,,大概冇唔合格掛...不過聽日派d卷就有驚,,

咁耐冇打過字,,成日打錯,,好煩。

希望大家都唔好咁煩,,開心d好。

吖　係呀

聽到電視話DANIEL《HARRY POTTER》同KATIE拍接吻戲又咩咩NG,,

就諗起琴日去睇《戲王之王》見到佢D預告,,

就咁不知不覺原來就快到7月,,1年中就咁就過左去啦,,光陰匆匆。

去朗豪坊見到S.H.E.個中國話MV,,HEBE真係好得我既歡心。

算了　唔打。

　　　　　　　　　　　　　2007 年 5 月 3 日  星期四   　　　　　　　　　　　

朝早起身,,爸爸唔洗返工,,本來想做週記,,但唔敢係佢面前做。

世史睇咩60年忘不了,,點解D日本人可以咁不知所謂GA?

真係好想打死佢地,,一句「添了麻煩」絕對唔係大晒GA囉。

今日唔記得帶P褲,,去了問AA借,,你真是我的乖寶寶。

PE堂又係好無聊。英文中文堂都好留心。

LUNCH,,俾AA 1句說話令到我食唔落野...好嘔!唉,,那人真是可憐的。

走上走落,,返到班房已經又熱又攰。

但係因為某件事而好開心,,我的確比較適合做開心既小朋友。

阿婆阿婆,,喱個世界已經歪晒啦,,我的確係好樣衰丫,,HA。

ENG.SPEKING好眼訓,,俾NGAIN見到我訓左個傻樣。

仲有俾KAYING見到我D白痴野...

放學,,又浪費我地時間,,好彩聽日有假放。

　　　　　　　　　　　　　2007 年 4 月 28 日  星期六   　　　　　　　　　　　

呼阿,,今天NGAIN返唔到黎,,好可惜。想念著妳呢。

約了MONNA、小歡、心怡一齊返教會。

返到去,,徐悼軒坐隔離隔離,,隔離冇人。唉,,不知所謂的。

講道話同異性相處既正確態度,,實在...有點兒深奧哦,,懷疑以利沙會唔會聽得明。

小組DEAD AIR,,我都唔想的...

完小組去青年崇拜,,好喜歡今日既崇拜阿!MAISY領詩→EXCELLENT

本來因為某D事,,心情唔多好,,敬拜完,,非常好。

唱每一首歌都好適合我當時既心情,,是上帝既作為嘛?

梁偉明牧師講道→好正

果然同陳牧師係1對活寶。

梁牧師講得好生動有趣,,而且好有POINT.

好認同佢講既野。我也決定絕對要活得更好。

米米,,唔洗擔心!我地親愛既上帝絕對會用你,,準備好俾神所用啦。

走,,去M記買薯條食,,排緊隊既時候發現有D目光望住我,,

見到有3個男仔望住我。咦~邊個俾你望呀?覺得非常不舒服。果然係嘔心。

走阿走,,原來好耐冇食過M記D野食,,自己一個食晒成包薯條好似好熱氣,,但我冇所謂。

如果星期一變聲就好,,反正我太強壯,,病都唔病下,,周圍都係病人都唔見我病。

但明天絕對不能有事,,因為聽日係正式練歌,,呵...下禮拜就要上台和唱啦...時間過得真快。

　　　　　　　　　　　　　2007 年 4 月 27 日  星期五   　　　　　　　　　　　

世史同GEOG都話今次易,,又話下年我地會難,,好大壓力阿。

什麼會考,,而家D讀既野都愈黎愈多,,愈黎愈煩啦。

琴日做功課都到成點鐘,,仲要未做完,,你話死唔死?

今朝起身,,頭痛,,眼痛,,咩事?唔知。大概訓得少。

今日好似有點兒懶得講野,,冇活力阿,,食LUNCH俾人話我今日好奇怪。

邊度怪,,冇人答到我,,話我少講野,,食野既時候行開扮自閉,,咩行為奇怪...

我冇扮自閉,,只係今日攰想搵張櫈挨下咁啫...我好得很,,非常正常。

趕頭趕命,,趕住去搭車去深水埗買珠仔,,同埋賣豬仔,,賣左坐我隔離果位污糟怪。

呵呵,,10年唔洗頭既怪物。髒死了。

落車發覺西九龍就在隔離,,逛呀逛,,洗左都唔知幾多錢,,買左好多珠。

THEN趕返學校團契帶唱詩。

講唯一摩西所寫既詩篇...講講講,,鍾姑娘說話連篇,,等左好耐先等到佢講完野。

走阿走,,見到了我親愛的朋友們。

　　　　　　　　　　　　　2007 年 4 月 24 日  星期二   　　　　　　　　　　　

我認為我再長此下去,,絕對唔會長命。

究竟係因為咩事我訓唔到呢?有冇人可以話我知。

我已經日日都想死,,又頭痛。

有時候望野有D暈暈地,,你話,,係咪好好玩先?

一陣去睇YAHOO知識點解決失眠至得。

朝早頭2堂世史我都好專心聽書,,果然中意徐琳教,,佢教得好,,我先會咁留心。

雖然有時係扯得遠左D,,但佢講既野都好引起我既興趣,,同埋好好玩。

如果中史都佢教可能唔洗死中史。

我地學校因為較偏同近山,,望到出面個天好黑,,或者應該係深灰。

又大雨,,我話好似就世界末日咁。落去上PE堂既時候覺得如果出去淋雨,,

D雨水一定會打得好大力,,我有種咁既感覺。

THEN PE LESSONS.

因為落大雨而要移師去G02上堂,,玩划艇。

本來同佢地1齊齋傾計,,又因眼訓而俟住D牆訓,,NGAIN俟住我訓。

有人話我地似露宿者,,之後我話我係賣火柴既小女孩,,死左係牆角。

NGAIN話我柴字講得唔正而笑我...其實我冇講錯ga,,嗚...

本來划艇要划3次500M,,之後我訓訓下MISS叫我地去划。

我只划了1次咁大把,,已經捱唔住...咩500M,,3次即係要玩1500M,,痴線的。

手又痛,,腳又攰。本來想玩多次,,但D人玩鬥快,,只好放棄了。

好在我放棄左,,如果唔係我隻手唔知會變成點。好痛。

英文過去,,到了中文堂,,講起以前玩既玩具,,諗起好多野阿。

仲有果隻俾我FING甩頭既BARBIE我都諗返起,,可憐。

最能夠引起我情感既物品可能係以前擺信既盒,,或者人地送既禮物,,仲有紀念冊。

會諗起以前既事。丫!仲有我以前既日記,,變成而家既月記。

LUNCH去團契開會,,真喜歡LEUNG SIR阿,,哈。

MATHS堂..講POINTSLOPE FORM既時候勁眼訓,,咩都聽唔入耳。

之後仲死,,2堂安琪堂,,我真係覺得喱2堂EIS絕對浪費左我返學既時間。

我自己返屋企自修都識,,唔洗佢教,,更加唔想對住佢喱位唔知教緊乜既人。

話要講1分鐘揀咩送俾男友,,佢果D都唔知咩禮物..

現今這個世代會有人送男友/女友PRINTER?仲有TABLE LAMP,,真可笑。

同KAYING討論如果係我地會送咩好,,佢問有冇人夏天送頸巾,,

仲要逼個男友戴,,我話:「仲要係鮮粉紅色。」   咁開心既禮物,,你收過未?

我話如果俾我揀我會封10蚊利是俾佢,,HA...或者送條頭髮俾佢。因為要SPECIAL。

返到屋企,,大概又要逼自己去訓1陣。

嘩...鮮色既COLOUR都令我頭暈頭痛,,實在唔想自己命不久矣阿。

死人劉嘉諾,,唔激我唔安樂,,大概有1日我會頂唔順殺左佢。

唔係,,應該話我而家已經想殺左佢,,邊有D腦袋咁有問題既人ga?

　　　　　　　　　　　　　2007 年 4 月 20 日  星期五   　　　　　　　　　　　

今日9點幾起身,,準備好晒,,出街。

同KAYING、WINGLAM、NGAIN一齊出旺角睇戲。

食完野就去睇十分．愛。

最初1直對喱齣戲冇太大好感,,因為唔係話好中意STEPHY同ALEX。

睇到快完,,喊了。

因為好感人,,好慘,,但係因為個配角死左。

仲好記得方力申話:「你邊個都唔信,,係唔會得到真愛。」

配角死左果度,,鍾嘉欣教識我,,絕對要珍惜而家所擁有既野。

有D好似俾佢點醒左咁。

仲有D地方連自己都有同感。

睇完之後覺得大力同阿蚊好賤。

如果俾我揀,,我唔會揀張大力,,我會揀張同祖。

雖然張敬軒唔係話好靚仔,,但佢比較好FEEL。

完既時候果首歌,,好聽。

吳雨霏　逼得太緊。

睇完戲去逛旺中。之後就去同佢地1齊影貼紙相。

哈哈,,冇左我想要黑色底果張做大張,,好可惜。

搭火車,,好逼,,好多人...ESPECIALLY→男人。

好怕,,咁多係附近。

多謝NGAIN護住我。THX A LOT。

行路返家。

返到樓下有個死變態係咁係我附近講粗口,,好討厭。

　　　　　　　　　　　　　2007 年 4 月 19 日  星期四   　　　　　　　　　　　

好幸福。嘿。

今日係MONNA生日,,冇見過佢,,可惜。

驚左好耐,,怕左好多野,,亦好猶疑。

一直都冇勇氣,,實在太好,,俾左個下台階我。

實在,,有1大堆說話係心裡面,,好難講出口阿。

做每1件事都要好大勇氣。

聽日同KAYING、WINGLAM、NGAIN...去睇十分．愛。

哈,,係好睇至好呀,,唔好睇要退錢>_______<

　　　　　　　　　　　　　2007 年 4 月 18 日  星期三   　　　　　　　　　　　

訓左4個鐘,,想死。

1係冇時間俾我借機訓覺,,1係班房嘈到訓唔到。

阿...唔想坐第1行,,好慘。

感覺自己矮左,,而且雖然我係矮,,但係,,

黑板唔係水平可以睇到,,而係要「岳」高個頭望。

實在辛苦。

嗚...唔想唔夠訓,,1唔夠訓,,心情容易差。

唔係我唔想訓,,琴晚仲做晒功課,,溫晒書先訓,,

訓唔到,,仲睇左陣書,,諗住攰d再訓。

點知又係訓唔到。訓唔到既感覺好難受阿。