2014年1月10日 五
平凡的一日天，做野做野
2014年1月11日 六
早上去左Mega Box練歌同西西一齊，之後到3點就練完，感覺唔好，一來房細，兩來音質差，都唔好玩既><
練完去左IKEA食野，之後行下，去左H&M睇野，西西話，好平呀!!好平呀!!咁就買左幾件了，而我就咩都冇買，保持我一貫作風，嘻嘻
終於到左我期待既夜晚，BBQBBQBBQ，Yeah!Yeah!Yeah!!同嘉慧仔二人行，撐枱腳^^
係元朗BBQ，仲要兩個人，真係好寫意呀!好悠閒咁燒.......終於可以食到自己燒既司華腸，仲有可以食好多好多既丸
我係食丸大王，嘻嘻^^食丸我至叻!!!唔知有咩人同我一樣都咁鐘意食丸呢?
***注意:我唔係樣樣丸都食，炸魚蛋、貢丸、滑身既魚蛋、人手打既魚蛋(大陸既魚蛋)，宜啲我通通都唔會彩佢地:P
只會留係別人口中非是我也
燒得太開心，連幾時有尾班車，我都唔知。
最後過左268C既尾班車，只好坐輕鐵，再轉西鐵。
去到元朗西鐵站，我一聽到紅磡車，就拍傻仔嘉慧，點知佢俾我嚇襯。因我怕過左尾班車，所以我地跑..........
好彩趕得切......去到紅磡先知，剛剛自己搭既車係尾搭車，好彩我有聽到個廣播，如果唔係我地唔知搭咩車由元朗番出黎。
跟住再由紅磡搭101車番觀塘，去到觀塘我由小巴留家嫁，仲要好快添。
但嘉慧仔番唔到，只好為有搭N車.....等左勁耐><
到左2點幾先回到家......明明11點幾已經係元朗走.........
不過都真係好開心既........希望可以Keep住去BBQ，I like it^^
2014年1月12日 日
前一晚4點幾先訓，訓到下午3點幾先起.......
之後係到Hea......................Hea...................
2014年1月13日 一
全日都食過不停.........
早上11點幾先食完炸菜肉絲通粉、厚多士、太陽蛋、一杯檸茶，下午3點幾又開始餓啦
走左留下Coffee Shop 食牛油果雞肉包+ Mocha ，之後邊食邊同個同事交流，係咁傾....愈傾愈開心，明明好急連廁所都唔想去住。
到左6點幾，我要執野走啦，趕住去Free野俾人同埋拎野，嘻嘻
到左8點去左Kitchen J食晚餐，嘉慧仔又遲啦><
真係有啲連打電話都唔想打......真係好無癮....
諗番以前既我，遇到啲人遲到，真係會好嬲，仲會話對方。下次再約宜個人時，或許唔會再想約。
但今日既我，已經見慣見熟。因為我既職業已經不一樣，唔再係一個學生或一個小小文員。
我接受左遲到係正常，但局限於工作當中。係我生活中，我真係接受唔到單方面成日遲到，即係我成日等果個。
少遲可以接受，但當每次都遲到，我覺得真係容忍唔到。
每次對方遲到，我都會同自己講:對方有緊要野做!你體諒吧!
當每次都咁同自己講，自己都好懷疑，係咪真係都有咁多緊要野呢?
如果你從來都未準時過，咁即係話準時對佢黎講係好難。而唔係無準時過，即係番工準時其他野遲，代表左佢對個樣野既重視程度比低，唔及番工咁重要。
大家價值觀不一樣，我唔能夠將自己既一套加於別人身上。但我自己都有選擇權，令自己開心一啲。
我唔想自己成日再為啲小事而唔開心><
有啲野我會分得好清，明確分開工作還工作，消閒還消閒。長期處於工作狀態，我會好累。
Kitchen J雖然都係和民集團，但比起和民好食好多。
琴日食既野，樣樣都好好食，可惜無下場。
嘉慧仔既電話響起，想去既地方咩都無啦.......只好講多兩句....就回家了
回到家，燕話個Grant Loan上訴唔批，跟住我再了解....佢竟然話:我淨係識講，咩都唔識做。
我聽完好Hurt，我好想話:件事其實與我無關，我係可以唔理嫁，我係到幫你搵紀錄、諗解釋，換來既係:你一句話我唔識。
之前佢第一次上訴佢問我點，我教哂佢點寫，從邊個方向寫。之前，佢無俾過我睇就交左上去。
我琴日睇完，完全明白點解委員會點解唔批。同佢講，佢話:你講黎做咩?宜家講咩都無用
佢已經處於一個放棄狀態。我想講規矩係死既，人係生。好想野仲有例外
我完成覺得仲有機會，不過唔知佢唔會做野。
唔批就要嘔5萬幾.....到時就係想睇下點佢地死。
有一刻，我想幫佢寫信再上訴，我覺得我有能力可以令委員會批錢。
但我諗左好耐好耐，我決定唔會幫佢。
我覺得應該俾個教訓佢，即使我幫佢搞掂左，佢只會一句多謝，什至無。
佢會覺得宜件事係我應該要幫佢，仲要必然的，而唔係佢既責任。
咁大個人啦，係時候應該負番啲責任，唔係下下有咩搞唔掂都係我頂。
你當我係神仙?咩都識?有咩唔識，我都搞得掂。
好多時，我都係自己搵答案。咁我唔識，邊個幫我呀?
太過依賴啦，我唔想再做佢地後盾。
重點係我媽都覺得我應份幫佢!!!
我想我可以好似家姐，不問世事，咩都唔識，咩都唔理。
你幫左人，人地係唔會多謝你，而且仲會覺得係應該。
如果幫人幫到咁，我寧願咩都唔識，我問人仲好。
由細到大，我唔識就自己解決，佢唔識就我幫佢。
有野食，佢地就食先，我永遠都係最後，有咩都唔會輪到我先。
有咩唔識，第一個就揾我頂><
我係時候唔再心軟了，放手了等佢地自己行自己路。
回到去搞完一輪，就沖涼訓教，1點就係床到了。
2014年1月14日 二
起身又頭痛了，可能諗太多野，加上過程啲人係咁嘈嘈嘈.............
都無好認真訓過.......
全日不在狀態.........樣子殘......身體累.....腦袋慢.......
傻下傻下咁.....
聽日開始要精精神神!!! |
