今日終於訓得好夠啦，精神好好。唔會再俾自己有任何藉口偷懶:P
回到公司我真係好認真咁做野，做做做......
愈做就愈覺得做極都做唔完，加上有做做下開始唔記得有咩做，所以點都要抄低有咩做先........
續樣續樣咁做完...爽呀!!個人開始累了，做到七點半走Lu.....
回到家超級乖,即刻去沖涼洗頭，絕對無Hea
之後就乖乖食飯，慢慢食，邊食邊用i pad睇電視，唔要聽任何人講野。
超級超級討厭食食下飯阻住我睇電視，唔係係咁講廢話就食阻住我睇電視，所以先迫我用I PAD睇電視><
食完飯，明明諗住做自己野，諗住可以好正咁做好多，點知.................
俾人叫左幫手搬沙發，因為後日新沙發到，要清野走........
家得我、媽、同某人，我同媽就搬沙發，點算搬走個舊沙發都遇上重重困難=_=#
唔係沙發後面有好多雲石，就係條路太迫，要搬搬搬先過到。
個一刻真係:媽的..........點解明明家有好多人，變成好似得我一個咁。咁四個女變成得我一人，真係好想XYZ!@#$%
唔係一次，仲要次次都係咁。我真係心諗，咪宜啲唔係男人做嫁咩?我應該只係協助，點解我變左係主力???
唯一既男士，寧願留係房唔出黎。真係好想講一句:究竟你係咪男人黎嫁?學咩人做男人呀!!!完全唔配囉!!
男人原來係坐係到既!!!眼見搬野，都唔幫手。成日多多藉口><個刻個心，流淚中...................點解我生於係宜個家?點解?
男人係我眼中，唔係一定要。因為我眼前既男人，俾左好多唔好既野我，令我留下好多唔好既回憶，同時影響左我一生。
就係因為佢，我既性格變得唔再靠任何人唔再溫柔，好多時反應、說話模式，都好保護自己。因為我怕受傷既係自己。
唔理別人點睇，我要既係唔俾自己受傷。小時唔知，大個唔識點處理。最後，當然改變左好多啦!真係好多謝身邊成日提點我既朋友^^多謝你地，教識左我好多。
我知道世上有好多好男人，可惜未輪到我。身邊未遇到個好男人，值得我為佢而付出。
男人......我對佢地開始未認識時，我好容易會先入為住，個個男人都係衰人，所以我從來都無男仔緣。
小學無咩同男同學熟，中學好少少，不過淨係同幾個熟，其他完全唔點講野。
有電話開始既時候，完全無男仔電話，一個都沒有。後來，都係一個起兩個.......而且十年都唔打一次。
男士完全唔識同佢地溝通...............覺得佢地好似外星人><
渴望有男人，緊有啦................但唔係現在，而且唔係非常想要。
今日上FB，睇到........某人結婚一週年!!!
我內心有開心有唔開心.....
某人曾經係我一生之中，最愛既人.........仲暗戀過好多年...........
佢唔係好靚仔，但佢個種氣質，絕對係我念念不忘....我完成唔識去形容。
曾經同過同一間學校，曾經住過同一條村，曾經相遇過好多次，曾經教過我PHY，曾經為我考高考而打氣，曾經............................
記得大家相識係因為大家都係領袖生，站在門口當值而相識。相識過後無耐，佢畢業.......大家已經沒有聯絡了。
個時，我已經對佢念念不忘........真係好唔捨佢，好希望係街上遇上他。記得每次落街都會左望望右望望，為既都係見他一面。
可惜，每次都見唔到他................每當我好呢Hea既時候，往往佢都會出現。每次都俾佢見到我唔好的一面，真係好失敗。
無耐，有朋友結婚，我去觀禮。個次再一次俾我遇上他，可惜太多人大家無講野。我只好遠遠望佢一眼.........好彩大家有影合照，不過係超級多人。
過幾年後，又再一次俾我遇上他，沒有說話只有微笑，大家仍然沒有交換聯絡方法。
幸好我記得有個朋友同佢係同學有佢MSN，我就主動揾個朋友拎佢MSN ADDRESS。
我仲好記得大家第一次MSN講野係某年2月14日凌晨時份，就係個次大家左交換電話，之後大家Keep住SMS通電話......
個時每次收到佢SMS，我都好開心。開心到咩煩慮都無哂^^不過開心既時間好短暫........
有一日，佢好開心同我講:我同緊個朋友食飯呀!!
我問:女朋友?
佢答:未係，不過就快啦!
我非常之記得個日，個日我放工後接到佢電話，講完電話之後，個心好亂完全接受唔到，我去左觀塘碼頭坐，足足對住個海6個鐘發呆。飯都無食................
坐左4個鐘後，佢個同學陪左我坐，但佢個同學一早就有女朋友了，佢當我只係妹妹咁對待。
事後，我都覺得自己好勁，點解可以坐咁耐??
上年既今日見到佢結婚，我都仍然耿耿於懷..........
今日見到佢既結婚當日既影片，我內心為佢高興揾到自己既幸福，唔開心既係佢無當過我係佢朋友><
或許由頭到尾只係我自作多情.........
今日聽<可惜不是你>非常之應景，內心點都唔舒服，再加上細細留意歌詞仲更加唔舒服，好似大石壓住咁><
究竟幾時到我呢?其實我唔想再住宜啲回憶嫁，但愈係想忘記就愈係記得><
點解會咁嫁?他已經唔屬於我了，忘記他吧!!
我要徹徹底底忘記他吧!!原本我已經忘記他了，但佢重現我眼前，令我回憶了太多事情。
我仍然得我一人，努力尋找自己幸福吧!! |
