今日沒有像以前咁訓到兩三點....今日十一點幾就起左啦!!

時間好多可以好好咁運用^^

今日做既家務應該係我有記憶以來做得最多而最開心的一次

以往做完家務之後，總會有不滿同唔值既感覺

但今日我完全無以往既感覺，而且仲好開心^^

因為今日我所做既家務係為將來的家而練習，嘻嘻

心態唔同，效果都唔一樣。同埋做起上黎都起勁啲

洗衫、浪衫、接衫、掃地、抹地、洗碗、洗鞋、執房、補衫、抹塵(房同大廳)

通通我都做哂，有啲什至做左兩次添。我自己覺得我好勁，所有野通通都被我收服

仲要好快咁做好哂，當中絕對無拖既成分^^

不過我最要多謝既係<我啲歌，特別係容祖兒>容祖兒既聲音一直陪伴我做家務，聽住佢啲歌超快做好，而且Keep住開開心心既心情

到左1700出發去荔景，拎唔洗錢既VCD、DVD。

嘩.........................拎左超多，多都應該有過百隻。有排唔洗買碟

到左食晚飯時間，今晚係打邊爐^^唔再係6人邊爐，而係4人邊爐。

耳根清靜左勁多，非常之安靜，而且唔洗搶搶搶........可以慢慢品嚐食物既味道，爽呀!

唔知點解6人邊爐好自然速度超快，快到唔知自己食過啲咩，好似唔快啲食會無得食咁。

其實唔係無得食，而且無哂你想食既野，淨番啲無人鐘意食既野。

今時今日既6人邊爐速度已經慢左好多啦!記得以前即使唔係打邊爐，普通食飯，速度要超級快，如果唔係轉頭咩都無得食，分分鐘鐘你只係食得一兩隻雞翼同飯。

所以呢速度係練番黎既!!

今日既心態超好，真係要Keep住。今日我選擇向好既方面睇，他朝有日我可能會用另一個角度去睇，睇下你用咩心態。

雖然同一件事可以用唔到既心態去睇，

但有啲野總會令人野人討厭。

宜排成日都有幾個人WS我，問埋啲我唔想理佢地既野。

而且仲覺得佢地好煩添，成日問啲問題超越佢應該要問既野

見到佢地咁問，好似有啲干涉我既私人事咁，感覺超唔好><

問題係佢地又唔係我邊個，Just普通朋友，絕對唔會超越宜個界限。

如果係好朋友，我都覺得冇咩問題，但宜家唔係囉!!

真係好想講，你邊位呀?多管閒事.......XYZ@#$%

就算要關心都唔係咁嫁，好心你諗諗自己係邊位先啦!

算啦，宜啲人係唔會明白我。<要明白我既自然會明白我，要唔明白我、我講幾多都唔會明白我>

最終，我會選擇莫視，當睇唔到。咁樣又唔會破壞大家關係，而且可以維持原狀。

嘩哈哈................................係咪高招呢?
 

今日起身唔再係個Alarm叫我，而係我既夢叫我。

我意思唔係發夢個夢，係指做人有目標有夢想，自然唔會因為各種原因而起唔到身

即訓得好少好累，你依然可以好堅持咁起到身，因為你對自己既夢想好堅持好想快啲達成^^

我每日都會諗我自己既家，令到自己唔再咁容易放棄，距離達成夢想又拉近一步

<放棄係好容易，但要堅持係一啲都唔易> 所以要做好多唔同類型既事，令自己覺得對達成夢想絕對唔係遙不可及。

起碼要個腦有先啦! 本身我宜排真係好想睇下啲考地產牌既書，無奈個朋友話揾唔到就冇了，不過黎緊都會去圖書館借下先，嘻嘻

愈對個樣野有認識，自自然然你好快就會擁有佢，哈哈^^我的家唔會離我好遠既

早上早左起身，慢條斯理咁食早餐、換衫，今日早餐好豐富又簡單，食完個杯麵，再食多個靚蘋果，正!非常滿足

非常之準時番公司上Training，學左唔少野，不過仲有好多改善空間，可以再做好啲。

我真係好開心，好多人都對我好好。包括: 舊公司陳先生............嘩哈哈(都係我識講說話)

我個好同事Wing Chan真係好想錫佢幾啖，佢借出左部netbook俾我係公司用，仲要係長期性質。

真係好多謝佢，如果唔係我就要逄一至四家冇得用電腦，星期一同五就要帶住部Notebook去街街，最後跟埋我回家。

雖然細係細啲，但同一般電腦冇分別。我仍然可以借助部Netbook入資料，做我應該做既野，令我啲文件變得系統化。

由一部久違冇人理既電腦連一般既工作都用唔到，變到一部速度快左做到基本功能既電腦，我自問我都幾叻，嘩哈哈....................

老實講，真係花左唔少時間，幾經辛苦完成了。整理好哂啲資料，方便12月第1個工作日全程投入工作。

2013年12月第1日工作天，打開我的新一頁既里程碑。令我更快達到我的目標^^

今日同燕唔知講咩講起<錢>

我: 我要做過百萬年薪。

燕: 邊有咁容易呀...............過百萬年薪即係六七萬一個月。唉...............一定唔得啦!

我: 我相信我一定做得到。

燕: 緊係啦!你做金融業嘛!我..............

我: 其實每個人都做得到，差在時間問題。<腦有就有，腦無就無>

如果你個腦從來都無諗過自己得既話，你好難會做到。就算做到，你都係靠好運。

之後，我就好認真就同燕講。

我: 好!我就做俾你睇，就係你畢業前我一定會做到。今年佢Year2，要讀到Year5先畢業。個刻我非常之認真，而且我都覺得做我宜行不竟都要做到一年MDRT

MDRT係行內同國際認可既獎項，MDRT中文係百萬圓桌會，做到MDRT好自然就會成為年薪過百萬。宜點樣先做到呢?

就係由年頭1月1日開始，直至12月31日，你既實收佣金有五十幾萬就會成為MDRT。話易就一定唔易，但難道就一定有。而且行內每年只有5%既人做到。

所以MDRT唔係好多人做到嫁^^

MDRT只係基本，仲有COT同TOT

COT係MDRT既3倍

TOT係MDRT既6倍

曾經我發夢發過，當燕畢業時，一家人齊齊去影畢業相唔再係坐巴士坐港鐵，而係我揸車接大家去影靚相。一家開開心心去影相^^

宜個情景真係開心，真係好想達成宜個少少願望^^到時我要我既身邊人為我而感到驕傲。嘩哈哈.....努力啲^^

琴晚十一點幾就訓左Lu，好耐未試過咁早訓。感覺好爽，又寧靜又舒服^_^今日好乖乖咁食包包、食蘋果做早餐，之後開開心心上班去。回到公司plan好哂要做既野，約好哂聽日既野，話咁快就搞掂啦，Good^^

今早起來，家得我一人，可是完全沒有家的感覺，只有見到啲野亂七八糟。這一邊衫多得很，那邊所有野好像被人翻倒一樣，我只好眼不見為乾淨，沒有理會。做好自己的事，就番公司了。